|
ليش نقول أتق شر من أحسنت إليه !!!
ليش نقول أتق شر من أحسنت إليه !!! كان أبي داهية وحكيم من حكماء زمانه كل حادثة كان له عليها مثل أوحكمة أو قصة وإليكم قصة جديدة من قصص أبي على المثل ياللي بيقول : أتق شر من أحسنت إليه !! قال مرة كان في مزارع غني كل سنة وقت الموسم كان يجي واحد فقير لعندو ويعطيه قوته السنوي شفقة ورحمة وهادا الفقير تعود كل سنة يجي وياخد قوته السنوي ويروح للبيت . يقولك سنة من السنوات الموسم مات والمزارع المسكين خسر خسارة فادحة بزراعته وهوي مهموم وقهران ودق عليه الفقير بدو ياخد قوته السنوي . دخل الفقير وسلم على المزارع وقال : أجيت آخد قوتي السنوي . المزارع قال : صدقني الموسم هاي السنة مات وخسرت خسائر فادحة وماعندي أعطيك قوتك هاي السنة . الفقير أتطلع في المزارع وقال : راح تعطيني قوتي السنوي غصب عنك لأن كل سنة تعطيني وبدي هلا كمان تعطيني . المزارع قال : ياحبيبي من وين راح أعطيك وأنا ماضل عندي شيء . الفقير قال : أنا مابيهمني موسمك إذا مات ولا إذا عاش أنا بدي قوتي السنوي . المزارع قال : مافي ياحبيبي نحن هاي السنة راح نموت من الجوع بقا من وين راح أعطيك .؟ الفقير أتعصب وسحب البارودة وقال : إما تعطيني قوتي السنوي وإلا راح أقتلك هلا .. ليش كل سنة كان تعطيني معناها مجبور أنت تكمل وتعطيني ؟؟ المزارع قال : لك دخيلك أقع فبختك وبخت الله لاتقتلني أوعدك السنة المقبلة إذا الموسم كان كويس أعوضلك تبع هاي السنة كمان .. الفقير قال : شو شايفني مجنون أنتظر للسنة المقبلة هلا راح أقتلك وطلق الرصاص في راس المزارع وأنهى عليه .. هادا كانت قصة المثل : أتق شر من أحسنت إليه !! أتمنى لاتعملوا الخير إلا مع من يستحق الخير !! تقديري ومحبتي الياس زاديكه |
لا لا أكيد ما في ناس راح تعمل متل ما عمل هالفقير و يمكن قليل من المزارعين في هذه الأيام يعملون متل ما كان يعمل هالمزارع. لأن قلبو كان طيب و كان يعطف على الفقراء و المحتاجين و هاي كانت نتيجة طيبة قلبو. فعلا قصة حكيمة الله يرحمك يا بابا اشتهينا مرة تاني نسمع صوتك و أنت تحكيلنا عن أمثالك و حكمك اللي ما كانت تنتهي. شكرا لك أخوي الياس و الله لا يظيّع تعبك يا غالي.
|
لا لا أكيد ما في ناس راح تعمل متل ما عمل هالفقير و يمكن قليل من المزارعين في هذه الأيام يعملون متل ما كان يعمل هالمزارع. لأن قلبو كان طيب و كان يعطف على الفقراء و المحتاجين و هاي كانت نتيجة طيبة قلبو. فعلا قصة حكيمة الله يرحمك يا بابا اشتهينا مرة تاني نسمع صوتك و أنت تحكيلنا عن أمثالك و حكمك اللي ما كانت تنتهي. شكرا لك أخوي الياس و الله لا يظيّع تعبك يا غالي. فعلا أخوي في هادا العصر صعب نشوف هيك ناس لامتل الغني ولا متل الفقير بينما الحياة لطالما بإستمرارية وقائمة لابد من تواجد شخصيات من هذا النوع ولو قليل جدا .. فعلا أخي فؤاد أبونا كان حكيم وصعب جدا يتعوض فعلا أشتقنا لقعداتو وحكياتو وحكوياتو الله يرحمك يابابا الجنة مثواك تشكر يالغاي وربي لايزيع تعب مخلوق !!! تشكر ياطيب تقديري ومحبتي الياس زاديكه |
| الساعة الآن 01:38 AM. |
Powered by vBulletin Version 3.8.6
Copyright ©2000 - 2024, Jelsoft Enterprises Ltd
Translation by
Support-ar
Copyright by Fouad Zadieke