Forum of Fouad Zadieke - أنا الكورونا شعر/ فؤاد زاديكى

أنا الكورونا

شعر/ فؤاد زاديكى

أنا أنا الكورونَا ... أعرِفْ ما بِتحبّونِي

بالمَيِّهْ و الصّابونَةْ ... عَمْ بِتْريدوا تِمحونِي

***

نجمي صايرْ بِالطلوعْ ... و صِيتي بالدّنيا مَسموعْ

أوعَا تِجْتْمعُوا مَمنوعْ ... حِكمي مَعروفْ و مقطوعْ

***

إذا بِدْكُنْ سَلامِهْ ... يلّا حَطّوا الكِمّامِهْ

راحْ تقومْ القيامِهْ ... وما بِتفيد النَّدامِهْ

***

خَصمي كِلْ واحدْ خِتيارْ ... ومينْ البدّي عَمْ أختارْ

مِنْ طيبينْ ومِنْ أشرارْ ... ما بفَرِّقْ عند المشوارْ

***

شوفوني أعبرْ حدودْ ... مانِي مَحصورْ ومَحدودْ

وماني مِنْ هَلّا مَوجودْ ... عمري مِنْ عِمر الجدودْ

***

يِمْكِنْ لو تِبقى بِالبيتْ ... أحسَنْلِكْ تَا ما تِعْلَقْ

عندي نارْ و عندي زيتْ ... لمّا أحرِقْ ما باشفِقْ

***

أَعْرِفْ عَمْ بِتخافونِي ... وكِلّ الوقتْ تسِبُّونِي

أرجوكِنْ تِفْهَمونِي ... مانُو بِالكيفْ جنُونِي.