Forum of Fouad Zadieke - ألله گبير شعر/ فؤاد زاديكِى

ألله گبير

شعر/ فؤاد زاديكِى

عِشْنا و شِفْنا أشْ كِيسيرْ ... زادْ الشَّرَّْ كتيرْ كتيرْ

ما بَقْ تِنْفَعْنَا حِنْطَةْ ... صارْ الشِّغلِهْ بِدّا شعيرْ

وِاحِدْنا إزَا فَسّى ... الرّيحَةْ مو تِبَقَى فِالبيِرْ

أهلْ الخيرْ اليومْ كتارْ ... سِرْنا بينْ النِّاسْ يطيرْ

مِيهِمِّنْ تَخريبْ بيوتْ ... اللي بِدّو يصيرْ يصيرْ

أشْ ما نِعْمَلْ مو نِخْلَصْ ... مِنْ شَرِّنْ وِچْنا تِنديرْ

صَلَّينا بَلْكي يِمشيْ ... حالِنْ و يكونْ التّغييرْ

إيزا بِقيوا عَالهالحالْ ... إلْنا أللهْ و ألله گبيرْ.

شرح المفردات
_________

1 - أشْ كيسيرْ: ما الذي يحصل. ماذا يجري.
2 - ما بَقْ: لم يَعُد.
3 - وِاحِدنا: الواحد مِنّأ. أحدُنا.
4 - مِيهِمِّنْ: لا يهمّهم. لا يكترثون بالأمر. لا يُعيرونه أيّ اهتمام.
5 - أشْ: أيّ شيء. كلّ شيء.
6 - وِچْنَا: وجهنا.
7 - تِندير: نُشيح عنه. نبتعد عنه.
8 - بَلْكي: ربّما. عسى. لعلّ.
9 - إيزا و إزا: إذا.
10 - بِقيوا عالهالجال: ظلّوا على ما هم عليه دون تغيير. ظلّ وضعهم كما هو.
11 - إلنا ألله: لنا إله. ربنا موجود.