|
قصة الشڤاني الكزاب !!!
قصة الشڤاني الكزاب !!! كايكون ويحد شڤاني بوش بوش كزاب بس كيطلع على الچول كايصيح ويعلي صوتو ويقول : هاوارا ألحقوني الزيب كوهجم علي وعلى غنمي تياكلنا .. چاخل أهل الظيعة كان يسمعوا هازا الهاور كل من كايزبط تفنگتوا ويقول ياخودي ويعدوا صوب الشڤاني مشخاطر إيعونو .. وچاخل كايلحقوا عند الشڤاني كايروا كوقيعد ومربع ساق على ساق وكيزحك .. النيس تقولوا ورك أينو الزيب ؟؟ يقول وي مالناميراتين قي يقنتن كاأسوي شقا معكن .. ( كلمة شقا تعني مزح ) ... هاويني الپكوكين كيرجعوا شالظيعة پيس پيس .. هازا الشفاني طابلوا إزا المقام كل كم يوم يطلع فوق أل لاطيه ويهور هاوارا تو صوبي الزيب تياكلني وياكل غنمي .. هاويا الپكوكين كايزبطون تفنگاتن ويعدون صوبو ويقول عيني أشتغاليه كرتلح يرجعون پيس پيس .. أزا الشڤاني صار أسمو شڤاني الكزاب .. كرت الوحده طلع فوق أل طحتيه وهور هاوارا هاوار تو صوبي الزيب كوتقرب لي تو خلصوني .. أهل الظيعه ألتموا عند بعظ وقالوا كرتلخ كيگزب فكونا منو .. وإزا الشڤانية يهور ويهور وصوتو أنجرق تنه يسكي ماجا لهوارا .. خلف پيلكه صوتو أنچك وماسمعوا أهل الظيعة صوتو قالوا قوموا تنروح نطلع أيش ني مسلتو .. والله لموا روحن وسووا ترقينيو وصلوا بلي أيش يرون تي كل پارچايه من لاشتو كو راحت فموزع والغنم أمددين ومقتولين على الأرظ .. قالوا والله إيكون ومايكون أزيا الكرا دوغري الزيب جا ليو بلي هازا أل شي لجا فراسو هوي سوهو فروحو وحقو ومستحقو گيا كان !! وهاگيه خلصوا أهل الظيعة من الشڤانيه الكزاب !! تقديري ومحبتي الياس زاديكه |
اي أخوي يقّن قرينها چاخل كنّا فالمدرسة و قالوا اسمو كان حنّا، بس أكيد مو من بيت حنّا تبعنا هههههه قصّة حلوة بس شيش ما قالوا اسمو كان محمّد مسلاً؟
|
اي أخوي يقّن قرينها چاخل كنّا فالمدرسة و قالوا اسمو كان حنّا، بس أكيد مو من بيت حنّا تبعنا هههههه قصّة حلوة بس شيش ما قالوا اسمو كان محمّد مسلاً؟ لالالا مين قالك كان أسمو حنا يالغالي ؟؟ أنا متل ماأعرف كان أسمو ( علو الكزاب ) بقا لاتنسبه لعائلتنا دخيل ربك .. تشكر ياطيب تقديري ومحبتي الياس زاديكه |
| الساعة الآن 04:06 AM. |
Powered by vBulletin Version 3.8.6
Copyright ©2000 - 2024, Jelsoft Enterprises Ltd
Translation by
Support-ar
Copyright by Fouad Zadieke