ويحد هزخيني شيع مكتوب شمامتو !!
وااا ياديه كحزرلكي أزا المكتوب من ألمانيا چنگو سويتو بوش بوش بيريتكي وكريد أستخبر عليكي وعلى أخوتي قوربانه ياديه أشطوفي حالتكي قوليلي قي هه كوتشتغلين شاهوك النيس وتسوين كارات من هاك لگديس وتعنقشين فرقبتكي وعلى ظهركي
وتتمشين تحتن فهاك چق چق الحار ياديه ؟؟ يكفى ياديه لابق تسوين شغل شالنيس كو حزرتولكي كومت پارات تشيعلكي مشخاتر لابق تشتغلين فهاك الشغل .. أمرچق هاوك إيديكي لمطپطپين بلي أشتريلكي بشكونكت صابون وليفيه وفيفعي راسكي ولاشتكي ومشطي هاك شحفتكي القشوله ولاتخليا هاگه مجعلكيه .. بلي عينكي عالپارات إذا فزل شي معكي لفين فخرقة وخبين فكوارة الحنطة بلي عينكي عالفار منن لاياكلون قوربانه ياديه .. قولي شهاك أخوي الچقل تيزبط أصار بابانا ويعينك عليكي وعالبيت قي مو كوصار على بنا خورت ويحد إيتق إيجيب باوريه عليو تي إيحط عقلو فراسو ويبطل فزلكاتو وجلاقاتو ولايبقى هاگه عوندري .. ياديه تقپط أسعني أزا المكتوب وأدلا غديه أشيعلكي ويه وفقوة عزرت هازخ تيكون عندكي خلف سس تييم شي .. دي يلا تقوم أتشطح چنگو عينيي كيتقپطون وكنا بوش بوش مفلش روحي أنتي زي حطي راسكي ونامي ولاتنسين أيش قلتولكي تيكون ياديه !!!
ولدكي أل بوش يحبكي