عرض مشاركة واحدة
  #1  
قديم 25-06-2018, 10:00 AM
الصورة الرمزية fouadzadieke
fouadzadieke fouadzadieke متواجد حالياً
Administrator
 
تاريخ التسجيل: Jun 2005
المشاركات: 45,594
افتراضي ما بيوقَع غير الشاطر فؤاد زاديكى


ما بيوقَع غير الشاطر

فؤاد زاديكى

ما بيوقَعْ غير الشاطرْ ... صَدّقْ بالميِّه ميِّه
شو بَعدكْ واقفْ ناطِرْ ... ما عَم تفهَم شو هِيِّه
هالقصّة و لا في خاطِرْ ... عندك مِنْ حِسن النيِّه
لا تِبقى ليلِكْ ساهِرْ ... تِعمَى عيونكْ يا خطيِّه
***
مغرورْ بحالو الشاطِرْ ... ما بيهِمّوا كلّ الناسْ
مفَكِّرْ حالو يا ساتِرْ ... كِلْ بالكِلّ و هُوِّ الراسْ
لَمّا بيوقَعْ يتشاطَرْ ... حتّى لو صار الإفلاسْ
لازِم تِعرِف يا شاطِرْ ... ما هِيْ لعبة و شِربِة كاسْ
***
اِفهمني و حاوِلْ يا جارْ ... لا تِعمَلْ حالِكْ پاشَا
لو دولاب الدّنيا دارْ ... بتصير الحالِه شاشَا
و تِندم عَلْ كلّ اللي صارْ ... ما بِتفيدِك نِقَاشَة
مو وَحدو الشّاطر بالدّارْ ... لابِسْ جَزمِه و دِشداشَة
25/6/2018
__________________
fouad.hanna@online.de

رد مع اقتباس