الله يرحم أجدادنا أشقد كان عندن أمثال حلوين ومناسبين وهوك الأمثال ما قالون إلا بعد تجربة وخبرة .... والى هلا هالأمثال نقولن ونرددن .... وبعد الواحد ما يقرا هالتصريح الصحفي المشترك ( لا عالخير ) قديمي يجي لمبالو هاك مثل اللي يقل : أجا تيكحّلا قام عمّاها .... وهادا اللي كتب هيك تصريح يشبه كما بقرة الزري تي أش استفدنا من هاك حليبا اذا فالإيخر ترفص السطل وتكب الحليب عالأرض .
أهل ديريك وبهالظروف ماكان ناقصن غير هيك تصريحات .... ؟ تضر ومو تفيد ... ! من ناس مابيهما غير مصلحتا الشخصية الضيقة وآخر شي يفكروا فيو هو ديريك ومصلحة شعب ديريك .
أهل ديريك الطيبين بريئين من كل كلمة مسمومة مكتوبة بهالتصريح واللي اشتركوا بكتابة هيك كلام مابيمثلوا غير شخصياتن الانتهازية اللي رايدة تستغل ظروف ديريك الحالية منشان تستفيد وتلمّع اسماءا اللي ماحدا سمع فيا ....
عيب عليكن عيب ..... !
اللي عندو كلمة طيبة تساعد أهل ديريك وتدعمن يقولا ويعطيو ألف عافية ...
بس اللي يريد يصب الزيت عالنار ويصيد فالمي المعكر وعلى ضهر أهل ديريك الطيبين يحكي فالسياسة والبطيخ المبسمر ... يعيرنا سكوتو أحسن .
وكمان مرة يقول المتل : اذا كان الكلام مرّات من فضة ... كتير مرّات يكون السكوت من دهب .
أستاذ فؤاد زاديكة الله يعطيك ألف عافية ويقويك ونشكرك على هادا الموقع ونتمنى يمثل أهل ديريك الطيبين والأوادم واللي تهمن البلد ويريدولا الخير .
|