شُوط الطِبِّه
شعر عامي
(من وحي مونديال كأس العالم المقام في روسيا)
شُوط الطَبّه شُوطْ شُوط
عالتّمامْ و بالمَظبوطْ
خَلّي أعصاب الگولارْ
تِرْجِفْ لمّا البوطْ يشُوطْ
***
دَخِّل گولِكْ يا لَعِّيبْ
تِنْجَحْ بالضَربِه ما تخيبْ
خَصمِكْ مَبهورْ و محتارْ
مِنْ لِعْبِكْ و الحَظّ يصيبْ
***
شوفْ الفرحة عم بتشيعْ
و يزيدْ الفرحة تَشجيعْ
مِنْ جمهورِكْ متلْ النّارْ
حتّى مَجهودِكْ ما يظيعْ
***
تَكْتِكْ لَمّا تِعطي پاصْ
و لَمّا تِضرِب طِبِّه راصْ
لا تِتراخى شُو ما صارْ
دَخِّلْ حادودِكْ لَلْرّاصْ