آخ ياجورجيت الغالية أيش بدي أحكيلكن لأحكيلكن
اليوم الصبح قمت من النوم كالعادة تدق الساعة وتزعجنا أنا وفؤاد في نفس الوقت نفيق 6 إلا ربع فؤاد يعمل النا الشاي ويحضر لي شقفة خبز وجبنة للدهنان عالخبز وبهالوقت أحضر حالي لأذهب للعمل وبعدين كما كل يوم نتفرج عالتلفزيون أخبار لنعرف أيش صار بالدنيي وبعدين ساعة 6 و13 دقيقة أطلع من البيت لأذهب للهالت شتيلي وساععة 6 و21 دقيقة يشرف الشتراسن بان بس اليوم مالحقت أفطر لأني طالعت غسالة من النشافة وحطيت غسلة بيض وبعد ماحضرت نفسي مابقالي وقت منشان أقعد وأشرب شاي وآكل لقمة الخبز وفؤاد من عادتو مايفطر بس يشرب قدح شاي دهنلي فؤاد الجبن على شقفة الخبز وأخذت قدحي الشاي وفطرت وأنا بطريقي للهالت شتيلي
أجا البان وطلعت أدور على رفقاتي وفهيمة رفيقاتي شفتون بس قعدت عند فهيمة وكركرنا الى ماوصلت لمحطتي اللي لازم أنزل فيا وماحسيت والا رفيقتي تصيحني يلا سميرة وصلنا فضحكنا ونزلنا اشتغلت من الساعة 7 الى ال11 وبعدين رحت جبت كروت تبع القطار سنويا أشتري منشان ما أوجع راسي وأشتري كل شهر وبدفعة وحدة هم أرخص وجيت علبيت طالعت غسلة من النشافة وحطيت غسلة تانية بيض الله لايفرجيك غسيل اللي عندي ماشاء الله 7 أشخاص واتنين من أولادي يشتغلو مالر
وبعدين أكلت من أكل امبارح أقراص مقلية من البيض والبطاطا والبصل المفرومين مع سلطة وماعملت أكل لهلا أجا جوني ورعد وعملولنا أكل طيب ما أكلو أكلة امبارحة وهلا لازم أفكر أيش تسوي أكل لفؤاد ولمارتينا قبل مايجون من الشغل
بيني وبينك اليوم ماعندي خلق للطبخ يمكن أعمللن أكلة هينة وبعد ما أخلص من النت تأطوي الحويس وراح يجي واحد ليعمل لنا الحمام امبارح خلص حايط ويارب يخلص الحمام قبل العيد لأنوصعب كتير حمام واحد لسبعة أشخاص وصينا الحمام كلشي جديد حتى الشباك والهايتسونك والكهربا وراح نرتاح شوي وأنا فرحانة كتير لحمامنا الجديد وهلا استنى فؤاد رجوعو من الشغل تناكل ونشرب الشاي ونتمشى عند بنايات جديدة يبنوها بالقرب من بيتنا وكالعادة المسا نتفرج على أبونا القمص زكريا ومسلسلات تركية وبعدين للنوم بانتظار الأحلام الجميلة التي أتمناها لكم أيضا
فكرة كتير حلوة ياجورجيت برافوووو والضيف الجديد سيكون الأخ أثرو أبو نينيب يلا نحن بالإنتظار ...