الله معك. فؤاد زاديكه. شعر عامي

[fouadzadieke]

الله معك

الله معكْ يا حبّ تِرجَعْ نِلتقي


عا دربْ نِفرشلو ورود مزَنبقي

الرّب يحمي سَفْرتِكْ مِن كلْ أذى


و يِحمي جمالِكْ مِن عيونْ مبَحْلَقي.

تِرجَعْ لقلبي يا حبيبي, و الحَكي


يِرجَعْ على نغماتْ طنبوري الشّقي

قلبي مَعِكْ خايف عليكي تِزعلِي


مِنْ شي شَرار, يِنزلْ الدّمعِ النّقي.

الله معكْ, فكري معك, قلبي معك


لا تطوّلي غَيابِكْ, شبابي بتحرِقي

عَم بانتظرْ صوت البلابلْ أسمعو


أقرا الحكي و الحبّ كِلمة مرَقرَقي.

الله معك لا تتركيني بحالتي


قَهر و زَعل و غياب قلبي بْتِشْنِقي.