حناجرٌ تصدح شعر/ فؤاد زاديكى (لثورة الشعب اللبناني)

[fouadzadieke]

حناجرٌ تصدح

شعر/ فؤاد زاديكى

(لثورة الشعب اللبناني)

ثورةْ, ثورةْ شعبيّةْ ... إسلام و مسيحيّةْ

ما بِدها طائفيّةْ ... والمطالِبْ شَرعيّةْ

ضد السلطةْ القمعيّةْ ... عم بتنادي بسلميّةْ

طاق وطاق وطاقيّةْ ... كِلِّتْكُنْ حَراميِّةْ.

***

هالثورةْ اللبنانيّةْ ... بالوحدةْ الوَطَنيّةْ

تِشْعِرْ بالمسؤوليّةْ ... والأحوالْ المِهْرِيِّةْ

وَعْي وفهمْ وثوريّةْ ... بِدها تعيشْ بحريّةْ

قالتْ لا للحزبيّةْ ... والأحزابْ الدينيِّةْ.

***

صرختها إنسانيّةْ ... قوّتها صاروخيّةْ

والسّلطةْ ما في نيّةْ ... تِتْحَمَّلْ مسؤوليّةْ

عَمْ تزحفْ مِتلِلْ الحَيِّةْ ... وِتْماطِلْ بالقضيّةْ

عالأرضْ اللبنانيّةْ ... ثورةْ بالمِيِّةْ مِيِّةْ.