|
حزورة سهلة جدا
حزورة سهلة جدا ماهي الكلمه مؤلفة من أربع حروف اذا حذفنا الحرف الاول تكون شي مهم عند كل كائن حي واذا حذفنا الحرفين الاخيرين تكون شي خطير يلا ياشطار |
اقتباس:
سمسم |
أهلا أخي فؤاد ماتواخدني ياغالي إذا أقولك جوابك غلط هوي ياحبيبي .. لالالا لاتخاف خذفت الحروف بطريقة صحيحة حاول مرة تاني يالغالي لأن الكلمة ليست سمسم أشكر مرورك المعطر ياأخي فؤاد تقديري ومحبتي ألياس |
الكلمة ربما تكون سملح
ماأظنا صحيحة وهي تضحك أيش سملح وأيش حالة هاهاهاها |
إي بيت أبوكي كانعمر من أين بلد كوجبتي هاي كلمة سملح أي بربي ضحكتو وإلى هلا كمان عم بضحك ياصديقة الطوله وبنت العم الغاليه سموره .. إي لالالا ماهي سملح .. دوري على كلمة تاني هيك ههههههه... أشكر مروركي المعطر يالغاليه تقديري ومحبتي ألياس |
صدق ياالياس مت من الضحك الى عيوني ما دمعو ووسيم وآندي ضحكو قريتولن أيش كتبت بقا لا أدور على غير كلمة ولا شي
هي عجبتني كتيررررر ...بقا قوللي صح يي وخلص يكفي ضحكتنا .... |
أي وركي أيشطوف تقولكي صح هي إذا كلمتكي هي بالأصل مالها معنى وغلط هي أي معناها أكيد الجواب كمان راح يكون غلط ياصديقة الطفوله سموره ليش حبيبي وسيم وأندي مو يقومون حالن على حزازيري قوليلن عمكن قال خلي يشملون على أيدين وينزلون على الحرب يلا لشوف تقديري ومحبتي ألياس |
ياالياس أيش يفهمون من الحزازير العربية حزرن بالألماني
بس حزورتك مابقدر أحلا تأخليا لجورجيت بلكي تقدر تحلا ,,,, |
إي تكرم عيونكي وعيونن كمان من هلا وبعد خلي يفوتون كل يوم على قسم الألماني ويردون على حزورة الألماني باللغة العربية على الحزورة عفوا خلي يردون بالألماني على حزورة العربي ههههه .. أي ليش شو أشوف أستسلمتي ولا راح تروحين تحمين عينيكي ياصديقة الطفوله وبعدين ترجعين ههههه أي يلا مو مشكله إذا غفيتي ونمتي راح نتركها لجورجيت .. تقديري ومحبتي ألياس |
صديقي الغالي الياس على ما اظن انها ملح وسلاح على ماظن تحياتي القلبية |
أهلا بالغالي أبو سومر وبمشاركته معنا بالحزورة ... ياغالي أظن ماأنتبهت على الحزورة كويس أرجع وأقراها مرة تاني وأستنى جواب جديد منك يالغالي أوكي تقديري ومحبتي ألياس |
الغالى الياس
اعتقد انها كلمة سماء لو حذفنا الحرف الاول اصبحت ماء وهو شىء مهم لكل كائن حي ولو حذفنا الحرفين الاخيرين اصبحت سم . هذا ما عندي وما جادت به قريحتي المتواضعة . تسلم حزازيرك الجميلة . |
برافو أخ ملح الأرض جوابك سليم وصحيح ميه فالميه فعلا الكلمة هي ( سماء ) يعطيك ألف عافيه على مشركتك معنا في باب الحزازير ... تقديري ومحبتي ألياس |
ربنا يخليك يا غالى وفى انتظار حزازيرك السهلة
وبلاش تصعبها ههههههههه خلينا كده على المستوى ده حلو . |
أي لالالا هيك تواضع كتير كمان راح يضرك يالغالي ملح الأرض .. لأن البركه فيك مستواك الثقافي عال العال هوي ... أي تكرم شواربك الحلوين راح أصعب الحزازير عفوا قصدي ماراح أصعب الحزازير ... تقديري ومحبتي ألياس |
| الساعة الآن 12:37 PM. |
Powered by vBulletin Version 3.8.6
Copyright ©2000 - 2026, Jelsoft Enterprises Ltd
Translation by
Support-ar
Copyright by Fouad Zadieke