Forum of Fouad Zadieke

Forum of Fouad Zadieke (http://www.fouadzadieke.de/vBulletin/index.php)
-   زاوية قاموسية (http://www.fouadzadieke.de/vBulletin/forumdisplay.php?f=53)
-   -   أمثال أزخينيّة بحرف الباء (http://www.fouadzadieke.de/vBulletin/showthread.php?t=45357)

fouadzadieke 17-02-2017 09:57 AM

أمثال أزخينيّة بحرف الباء
 
سبق و أن نشرت بعض الأمثال الآزخيّة التي جاءت على السجع و القافية و كنت جمعت أكبر عدد ممكن من هذه الأمثال في مخطوط سأقوم بطباعته و نشره في وقت لاحق و المخطوط اسمه( المُنتخَب من جداول آزخ الصافية فيما ذهب من الأمثال على السّجع و القافية) نشرت أمثال بحرف الألف و اليوم سأقوم بنشر الأمثال بحرف الباء دون شروحات لها آمل أن تكون بذلك متعة لمحبّي لهجة آزخ و تراثها و شكرا لمتابعتكم و لتشجيعكم أحبتي.
· البَلا چاخِلْ يِجي, سِتِرْ ربّك ارتِجي
· الباعْ ظاعْ, و الشترى أرَى
· بارِمّا حمار يِطِمّا
· بابِقّا حمار يتقّا
· البِربارة ترِدّ البِزِر لِكوارة
· بَقبوكات الرّبيعْ هُوّي يِخْرا و إنتْ تبيعْ
· پِروط دِينِه خُوَا فِروط
· پِزوكه راحت الصّرايه و رفعِتْ الصّبعايِه
· كما بير المكصور أشقَدْ لَتْحِط فيو يغور
· بَلا كَزا مَزا
· بِهنان القُطّ شَتنيسْ ميْحِطّ
· بين حانة و مانة ظَيّعنا الحانة
· بعد العَداوه, حَلاوه
· پاشا و طَماشا
· بابي التّعبان ميروح عالرّحّان
· بَرَه بَيْصا ساسهِ و سيسين بَيظَه
· بَيت ايسير مِنّك مِيت بَيت
· باب اشْقَعْ و باب ارْقَعْ
· البَرطيل يِقتِل قَتيلْ
· باب ليجيلك مِنّو الرّيح, سِدّو و اسْتَريحْ
· البِطلان, حِطْ عينِك عالجّيران
· پَرضون مسيو جَرضون, حَظِّك مو هون
· بيتْ الوِحده مَعمور و التانية مسطور و التالته خَرابْ و الرّابعة محَمّلْ عالدّوابْ
· بِخشْ ليزِعِجِكْ هَوَهو, سَكِّرو بَلَهو
· البِطِر عالنِّعمه, يظَيِّع الطّعمِه
· بَيتي جَنّتي
· بَناتْ, سِكَّرْ نباتْ
· بَلاش ما يِنحاشْ
· بين الدّام و الدِّنحْ, يِجي شِي كما المِلحْ
· بَيتي و بيتاتي, مغَطّي عِيوباتي


الساعة الآن 11:07 AM.

Powered by vBulletin Version 3.8.6
Copyright ©2000 - 2024, Jelsoft Enterprises Ltd
Translation by Support-ar
Copyright by Fouad Zadieke