Forum of Fouad Zadieke - أزخيني و حَبَّيتوكي شعر/ فؤاد زاديكه

أزخيني و حَبَّيتوكي

شعر/ فؤاد زاديكه

قالولي هايِه الهَلْمِيلْ ... أحلى مِنْ هاكْ الهَونَكْ
سَهّرتيني طُولْ الليلْ ... و شفتو الدّنيِه بعيونكْ.
***
رِحتو عِندا و قِلتولَا ... ألله يخلّيكي شانِي
جَنّتكي وَصَّلْتُولَا ... شُوفيني ما أحلانِي.
***
عَينَيكي ما فِي مِتْلِنْ ... و وِچْكِي أظوى مِنْ لَمْپَة
و خدودِكْ وَرَّدْ حِمْلِنْ ... فادي كُو جُوَّا طرِمْپَة.
***
جَربيني و شُوفي شِغلي ... لَمّا يضحَكلي قلبِكْ
رومانسي ما فِي مِتلِي ... كِلْ هَمّي أكْسَبْ حُبِّكْ.
***
أزخيني و حَبَّيتوكي ... مِنْ أوّلْ ما شِفتوكِي
أهلي لَمّا يجيبوكي ... بعيونِنْ تيحطّوكي.
***