فن الحبّ شعر عامّي
فنّ الحبّ فكّرنا اتعلّمنا الحـبّ تارينا بعد زغيــــــــــــــرينْ ما بنفهم دقّات القلب ولا بنعرفْ جايـــه، مِنْ وينْ - - - رحنا علمدرسة الحبّ تا نتعلّم، كيف انحــــــــــــبّ ما قدرنا كمّلنا الدّربْ صعب الدّرس وصعب الحبّ ---- ف الحبّ كتير الممنوع مو بالهيّن، مو مســـــــموحْ وحتّى انطبّق هالمشروع رَحْ تطلعْ من جُوّا الــــرّوحْ - - - دروب الحبّ المسموحة فيها فنون، وفيها جنــــــونْ وعالمستقبلْ مفتوحـــــة للْ يتعلّم كيف اتكــــــــــونْ - - - اتعلّم درس الحبّ مليحْ واتخطّى حدود التّجريـــــحْ ولا تهتزّ جوّات الـرّيحْ شدّ العزم مليحْ، مليـــــــــحْ - - - أحلى كلمه، هيّه الحبّ لمّا يعلقْ، جوّا القلـــــــــبْ لا بيعرف شرق ولا غربْ بسْ يعرفْ عن جدّ إيحــبّ... |
الساعة الآن 08:07 AM. |
Powered by vBulletin Version 3.8.6
Copyright ©2000 - 2024, Jelsoft Enterprises Ltd
Translation by
Support-ar
Copyright by Fouad Zadieke