Forum of Fouad Zadieke - يا رايِحْ كَتِّرْ مَلايِحْ شعر/ فؤاد زاديكى

يا رايِحْ كَتِّرْ مَلايِحْ

شعر/ فؤاد زاديكى

عَلْعَرْشُو ما ضَلّْ سِلطانْ ... ولا بِالمَنْصِبْ صاحِبْ شَانْ

كِلْ واحِدْ فَكَّرْ يِبْقَى ... عالكُرْسي عَقْلُو خِرْبَانْ

مِنْ يومْ الدِّنِيا صارِتْ ... دارتْ أزْمانْ وأزْمانْ

حاكِمْ رايِحْ, حاكِمْ جَاي ... وهَالْكِرِسِي مِنُّنْ زِعْلَانْ

بَعْدُو واقِفْ يِسْتَنّى ... دَورْ الجايي يا إخْوَانْ

لَمّا الحاكِمْ يِتْعَدّى ... عَلْشَعْبُو مانُو إنْسانْ

يا حاكِمْ لا تِسْتَهْوِنْ ... بِالشَّعْبْ النَايِمْ جُوعَانْ

واللي مِنْ ظِلْمِكْ مَقْهُورْ ... ومِنْ تَهْدِيدِكْ بِالسِّجَّانْ

عَمْ بِيْعَاني. عَمْ بِيموتْ ... لا تِعْمَلْ مِتْلِ الزِّعْرَانْ

كَتِّرْ يا رَايِحْ لِمْلِيحْ ... لا مِنْ شَرِّكْ والعِدْوَانْ

ألله يعِينِكْ يَا هالشَّعبْ ... مِنْ حاكِمْ عَهْدُو طِغْيَانْ.