Forum of Fouad Zadieke - الإمساك و الإسهالْ شعر عامّي/ فؤاد زاديكى

الإمساك و الإسهالْ

شعر عامّي/ فؤاد زاديكى

بِالإمساكْ وبِالإسهالْ ... نِتْغَيَّرْ مِنْ حالْ لْحَالْ

مَرَّةْ بِيكونْ اسْتِعصاءْ ... ومَرَّةْ نازِلْ بِالشِّلالْ

سِبحانْ الخالِق هالكونْ ... شُو بِيْغَيِّرْ بِالأحْوالْ

ساعَةْ حْزنْ وهَمّْ وغَمّْ ... وساعَةْ فَرْحَةْ مَا تِنْطَالْ

والإنسانْ بْتَفْكِيرو ... بَينْ حَانَة ومَانَة شِغَّالْ

لَمّا يِسْتَولِي إمْساكْ ... يِتْمَنّى لَحظِةْ إسْهَالْ

مِحتارْ بْفِكْرو تِعْبَانْ ... يِمْكِنْ حِقْنِهْ ماشِي حَالْ

هَادَة واقِعْ كِلّْ إنسانْ ... ماشِي عَلْنَفسْ المِنْوَالْ

لا تِخْجَلْ مِنْ هالحالِةْ ... كِلْنَا في حَقْلَا عِمَّالْ

عِشْنا و شِفْنَا هالحَالاتْ ... صِرْنا نْغَنِّيها مَوَّالْ

عَنْ هالحالِة المَوجودِةْ ... لازِمْ نِحْكِي مِتلْ رْجَالْ

كِلْ حالِةْ مِنُّنْ تِزْعِجْ ... بِتَّطِيْرْلِكْ راحِةْ بَالْ.