|
إذاعة المنتدى ... أغاني ومسابقات
إذاعة المنتدى ... أغاني ومسابقات
رح سمّعكن أغنية ... وحزروا مين غناها ... ؟ بزاوية الأغاني هاي رح نعمل إذاعة ونسمّعكن أغاني من زمان واليوم وبدنا نعمل على هالأغاني مسابقات والشاطر يحزر ويقلنا اسم المغني أو المغنية .... والإذاعة كريمة و رح توزع جوائز عالفائزين .... الأغنية الأولى والمسابقة الأولى : مين غنّى الأغنية التالية ... ؟ ( سماع الأغنية مُتاح بالنقر على الرابط ثم فتح الأغنية downloaden ) ( وجوائز الفائزين موضحة بعد كلمات الأغنية ) http://www3.turboshare.de/v/9543367/...5_157.mp3.html ياستي يا ختيارة يازينة كل الحارة حبيبي يلي بحبو ناطرني بالسيارة يا دادا يا ختيارة يازينة كل الحارة حبيبي يلي بحبو ناطرني بالسيارة بحبو ... بحبو ... ومابقدر خبي وعيونو خلت قلبي متل رماد السيكارة بلبس فستاني الأخضر ولا فستاني الأحمر عازمني عالسهرية ... دليّنا وين بنسهر بحبو ... بحبو ... ومابقدر خبي وعيونو خلت قلبي متل رماد السيكارة عيونو الحلوة بتقلي يادادا طقّي وجنّي يادادا ب خوت وب جن لما بيبعدهون عني بحبو ... بحبو ... ومابقدر خبي وعيونو خلت قلبي متل رماد السيكارة جوائز الفائزين : الجائزة الأولى : سيارة من النوع اللي كان المحبوب ناطر فيها الجائزة الثانية : الفستان الأحمر أو الأخضر اللي لبستو المحبوبة ( ماعرفنا أينا واحد لبست ؟ ) :D الجائزة الثالثة : دعوة عشاء لشخصين على المطعم اللي سهروا فيو العشاق جائزة ترضية : كروز دخان من اللي قلب المحبوبة اشتوى وصار كما رمادتو :D سمّعناكن ... هاتوا لشوف إجاباتكن ... ؟ |
والله يا اخي فادي اتوقع صباح هي المغنية اي الشحرورة
|
والله كنت لهلا متصورة انو هالغنية لصبوحة؟؟؟؟؟ بس اقول غنتها جورجيت صايغ والا تبهدلنا اخي فادي |
الاغنية هي ل طروب
وانا اتنازل عن الجائزة بس اذا راح تحلفوا علي اني لازم آخد الجائزة فما راح اكسفكم اقبل بالسيارة, والفستانين(الأخضر والأحمر), والدعوة , وكروز الدخان ,هههه... |
ماخلولنا شي هالنسوان ياغالي فادي لحتى أجاوب يعني بمختصر مفيد ماتركولنا مكان حتى بالجنة ... بس أشكرهن جميعا لذا أنا أضم صوتي لصوت النساء الثلاثة وأقول : بأن المغنية إما أنها صباح وإما جورجيت صايغ وإما طروب بشان أربح الجائزة شفت ذكاءي الخارق ياإمبراطور ؟؟؟؟ ههههه فقط أنا أظن بأنها للمغنية طروب كما قالت أستاذتي الآشورية .. بس الهدايا من حق أستاذتي الآشورية ... |
المسابقة جدا حلوة وأنا أقول راح أربح السيارة إن شاء الله الأغنية هي لجورجيت صايغ شكرا غالينا فادي لهذه الفكرة الرائعة ... |
انا اضم صوتي مع اشوريه وهي طروب لانو جواب صحيح ياخي وانا ما اتنازل عن الجائزه |
| الساعة الآن 12:30 AM. |
Powered by vBulletin Version 3.8.6
Copyright ©2000 - 2025, Jelsoft Enterprises Ltd
Translation by
Support-ar
Copyright by Fouad Zadieke