|
شطارة دكتور...
مرة واحد كان ماشي بهالشارع وداس على قشرة موزة ..ووقع على ايده فصار كوعه يوجعه راح لأقرب دكتور ولما دخل العيادة الممرضة قالت له : عايزين عينة من البول هو استغرب وقال: معقول شو دخل هي بهي ؟؟ مشان شو يعني ؟ أنا كوعي مخلوع . الممرضة قالت : تسطفل هادا النظام اذا في عينة بول .. ممكن تدخل للدكتور ما في بول ما في دكتور الزلمة ضرب اخماس بأسداس وانحرق حريشه وسلم امره لله وقال خلص مافي مشكلة .. وبعد شوي طلع الدكتور مبتسم وقال : واضح انه الضربة قوية بس اطمن كوعك سليم مو مخلوع المريض اتعقد .. وقال : طيب من وين عرفت انه كوعي هو اللي عم يوجعني ؟؟ أكيد الممرضة قالتلك الدكتور: لا أبدا تحليل البول هو اللي بين كل شي أنا عندي جهاز جديد لتحليل البول بالكمبيوتر بينعرف منه كل شي عن حالتك الصحية خود هلأ هالمرهم ادهن منه وبعد اسبوع راجعني ولا تنسى تجيب عينة البول معك هادا راح عالبيت محروق حريشه عالآخر وضاربه فيوزاته وحكى للعيلة على اللي صار وقعدوا يضحكوا على نصب الدكاترة هالأيام قال شو تحليل بول بالكمبيوتر شوف على هالسلبة شوف بعد اسبوع كوعه خف تمام وقرر يروح للدكتور بس ابنه اقترح عليه يعمل مقلب بهالدكتور مشان يكشف احتياله ونصبه حاجته يسلبها على خلق الله من وين جايب هالنهفة تحليل بول بالكمبيوتر . قام الابن اخد عينة من بوله على عينه من بول اخته على عينة من بول ابوه وحط عليهم شوية من زيت السيارة وقال خلينا نشوف هالنصاب شو بدو يقول . اخد الاب هالخلطة العجيبة وراح للدكتور ووقت دخل عطاها للممرضة وقعد ينتظر وبعد شي نص ساعة طلع الدكتور عرقان وماسك ورقة طويلة (نتيجة التحليل) قام سأله بطريقة ساخرة ها ها شو لقيت يادكتور بالتحليل ؟؟ الدكتور : شوف هو واضح انه كوعك صار تمام بس في شوية نتائج غريبة ابنك مدمن هيرويين وبنتك حامل ومحرك سيارتك لازمله تبديل جوان الكولاس . |
اقتباس:
اي فعلا كومبيوتر تحاليله عجيبة و دقيقة يعني لو أنا أختي الآشورية ما كنّا معو، ما كان رايحين نصدّق نتيجة التحاليل. كل شي يصير بعصر الكومبيوتر شكرا الك يا غالية |
هههههه يا حبيبتي هاد مو دكتور هاد ساحر والا جن من بتوع زمان بعيد عنك وعنا اي يشكر الله طلعت بهالكم مصيبة مو اكتر وهالشي كله طلع ببولة صفرا هههههه مشكوررررة يا قمر وربي يديمك غاليتي |
بما انه الكومبيوتر مايكذب يااستاذ فؤاد فلازم تطلع التحاليل مضبوطة ولو مشكور لحضورك الجميل استاذنا ولتعليقك الظريف... |
اي اذا هالكم مصيبة جابوا أجلو لكان لو في مصايب تانية راح يروح عالجهنم الحمرا يسلملي مروركِ الحلو والمفرح على الدوام حبيبتي جورجيت... |
الدكتور : شوف هو واضح انه كوعك صار تمام بس في شوية نتائج غريبة ابنك مدمن هيرويين وبنتك حامل ومحرك سيارتك لازمله تبديل جوان الكولاس أي أي أفتهمنا بأن التكنلوجيا تطورت بشكل بس مو لهل درجة كمان أي يخرب بيت هيك دكتور وهيك آله شاحنه للمعلومات ،، أقصد هيك كومبيودر لإظهار الخفيات ،، أي منيح ماقال : أبنك صاير متل البنات ،، وبنتك حامل توم وبدها عربيه عالعجلات ،، وسيارتك بدها جاكوج على راسها بشان تاخد توف وتصير متل أنسانات .. تشكري أختنا الآشوريه على جمال هالنكات ،، والمنتدى يرقى لأنو دائما تعطون ومافي أبدا هات ... تقديري ومحبتي ألياس |
نكت حلوة وظريفة يسلمو ايديك يا حلوة |
اي صدق استاذ الياس تعليقك طلع اظرف من النكتة شخصياً الف شكر لمرورك الجميل وحضورك الدائم... |
الحلاوة في مروركِ الحلو ياحلوة الحلوين احم احم صار عندي كحة من كتر الحلاوة... |
| الساعة الآن 10:41 AM. |
Powered by vBulletin Version 3.8.6
Copyright ©2000 - 2026, Jelsoft Enterprises Ltd
Translation by
Support-ar
Copyright by Fouad Zadieke