|
قصيدة حب حلبية...
شفتك أول مرة جنب بيتنا بالحديقة الزغنوطة و قلبي لما طسّيتك طرق احلى زلغوطة شقد كنتي نهارا متلبكة و شكلك معبوطة و انهزمتي مني !!! ايه بدي الحقك لو لفيت متل ابن بطوطة !!! ابوس شناق وش الحجي اذا بخطّبني ياكي و الله يستر يقوم ما يستحمل كتر كرّي و علاكي يأنو يا خيتو بزت حالي من فوق السجرة اذا بدي اعيش بلاكي بقا ان شاء الله يصير بيت ابوي هو بيت حماكي !! و يا يوم على ايشاربك البني لما طيرو الهوا و انا شفت وشك طبيت بأرضي و اكلت هوا و قلت لحالي علوا نبقا العمر انا وا نتي سوا و لا نمرض و نروح حكيم و لا يوصفلنا دوا و بكرا يا بتصيري حجة و انا الحجي و منخلّف عجيان و بطلعوا كلون عاقلين الا واحد بيطلع سعدان و بيفرط معلاقنا و بيفضحنا بالحارة و يبتعربش عالحيطان و ببهدلنا قدام الخلق و كل يوم بضرب ولاد الجيران !! و انا بصحلو ينعن ابوك و انت بتلحقيه بشحاطة و انا بضربو بالقشاط و انتي حصريه على البلاطة و بحرمو من المصروف لا بياخد صحاح و لا فراطة و لي عليكي و على هالخلفة ... يقطع عمرك على عمر اهلك . .. بطلت اتجوز !! و لي عالجازة و على ساعتا على رأي وردة الجزائرية حرمت احبك احبك متحبنيش |
[QUOTEو لي عليكي و على هالخلفة ... يقطع عمرك على عمر اهلك . .. بطلت اتجوز !! و لي عالجازة و على ساعتا][/quote] لسّع ما شافها و بعدهن ما تجوّزوا فتحلها فالْ و أحلام خيالو تجمّعوا و ت?ولزوا و على بخته بالْ و العيال كبروا و تشيطنوا و اتلمزوا و الإبن بلفو و احتالْ و لمّا شافو ايديه و رجليه بوّزوا ما عطاه فنك و لا ريالْ. شكرا لمرحك يا أختي الآشورية و الرب يقويكي |
ممنونة منك استاذنا لمرورك الجميل وتعليقك الظريف... |
كنتي نهارا متلبكة و شكلك معبوطة و انهزمتي مني !!! ايه بدي الحقك لو لفيت متل ابن بطوطة !!! ههههه أي فعلا قصيدة تفرط من الضحك وأنا أنفرطت من الضحك من كتر مالاحقتها لحتى مالاقيتها وأجت هي لمتني لبعض من جديد ،،، وصرت بعدها لا أبن بطوطه بل رجل من حديد هههههه تشكري أختنا الآشوريه على روحكي المرحه ومواضيعكي الرائعه تقديري ومحبتي ألياس |
سمعي خيتوو اشوريه كان في واحد عم يحب وحده بجنب بيته كانت لابسه بقجايه عم يقلها هل المفعوص //وليي يخرب ديارك زوديني عشقا زوديني يا الله بياخدك يا بتاخديني فهمتي ولي // على اساس يحبها يعني وعم يقلها شعر :D مشكوورة خيتوووو اشوريه |
ممنونة منك كتير استاذ الياس لحضورك الجميل دائماً ولتعليقك الظريف ... |
اي اكيد الحق عليها هي ليش تلبس بقجاية (شو يعني بقجاية)ههههه مشكور اخي ابو سومر لمرورك الجميل ولإضافتك الظريفة... |
شو هل القصيدة المبهدلة اي يضرب هو وغزلو الحلبي لك خيتو يسلملي تمك الحلو الي ما بسمع منو غير كلام عسل مواضيعكي يا حلوة في القمة |
البقجايه بالمصطلحات الحلبية يعني اكياس الزباله :D يلي عم تغطي وجها فيها يعني هاي السوده عرفتي اينا هي البقجااية |
| الساعة الآن 10:35 AM. |
Powered by vBulletin Version 3.8.6
Copyright ©2000 - 2026, Jelsoft Enterprises Ltd
Translation by
Support-ar
Copyright by Fouad Zadieke