فلسفـــة حمار
 

عجبى عليك يابن أدم يا كبير الدار

قومت الدنيا وما قعدت لما قالو حمار

هو اسمى شتيمه ولا جنسى دا عار

خلقنى ربى وخلقك ولا حدش له خيار

وانا مهما زاد الحمل فوقى صابر على المشوار

لافى يوم اقول اشمعنى اخويا واخد منه تار

ولا يوم ابص لرزق غيرى واطق منه واغار

ولا يوم ارفع عينى على جارتى واصون الجار

ولا مهر ادفع لحمارتى وشبكه وسوار

ولا شقه اجمع فى تمنها ولا اجهز دار

ولا حرمى حامل تتوحم عايزه الكفيار

ولا بنت تخرج عن طوعى وتجيب العار

ولا ابن يدمن ويهلوس ويقع ينهار

عايش فى حالى ومتهنى وليه افكار

باكل...وبشرب...وبنهق ومافيش اسرار

وعندى ابن ادم يخدمنى ليل ونهار

ان جعت يشترى برسيمى باغلى الاسعار

وفى مرضى يفضل يعالجنى ويدعى الستار

خادم امين...من غير راتب ولا حتى ايجار


وكل واحد وحر فى فلسفته هى يعنى جت على الحمار