|
عائلة اردنية ،،اي شو هالمحبة يا اولاد
الأب مخاطب الابن : تعال وله
الابن و بكل براءة : نعم الأب :نعامة ترفصك .... تعال وله الابن : ليش شو سويت؟ الأب : سواك ضريب يخلع رقبتك الابن : شو فيه؟ الام : شاوي يشوي عضمك ....رد على ابوك بأدب وله الابن : هوه انا حكيت شي؟ الأب:حكحكوا جنابك بالعصايه اوقف عدل يا حيوان الابن : حاضر الأم :يحضروا على قبرك انشالله .... لما ابوك يحكي انت بتخرس الابن :أخرس؟ الأب : ايوه ان شالله خرسه الابن: ماشي الأم: اجاك مشش بركبك ما تقوم منه انشالله الابن :مشش ؟؟؟ شو هاذا المشش؟؟ الأب: اما انك قليل حيا ...وبترد على امك كمان ؟ هات العصاي وتعال وله الابن: انا رديت على امي؟ يمّـه احكي كلمه الأم: موا يمزع نيـعـك وله ....حكيتلك اخرس الابن الان اصبح مغلوب على امره ومش فاهم ايش الموضوع وصمت الأب: أما جيل قليل حيا...احكي وله ... مالك انخرست الابن : شو احكي؟ اذا حكيت بتقولوا عني قليل حيا وبتشوفوني غلط الام :حيه الي تقرصك انشالله ... قلتلك تأدب وانت بتحكي مع ابوك الأب : ايش "بتشوفوني غلط" هاي ... شايفنا عميان ولا حول ؟ الأم : الله يوخذك انشالله .... يا ريتني خلفت ابن الجيران ولا انت الأب: انا مش عارف هاذا الولد متى بده يصير زلمه...دايما فاظحني بين الرجال الابن: طيب شو اعمل عشان تشوفني زلمه ؟ الأب: قلتلك اخرس وله الابن: يا الله ... يا الله ... يا جماعه شو مالكوا ... شو فيه ؟ الأم: اه صحيح انت ليش ناديت عالولد يا زلمه ؟ الأب :بتصدقي يا مره اني نسيت.... نساني شو كنت بدي منه هالكلب الاب : خلص روح ارجع على غرفتك يابا |
ولو عالهل أب والأم المربين ابنن عالدلال
وأحلى شي كانت الجملة الأخيرة اللي قالا الأب: نساني شو كنت بدي منه هالكلب الاب : خلص روح ارجع على غرفتك يابا تسلم ايديك ياجورجيت |
هو قالوا يا أختي مع احترامي وتقديري والعفو من القراء الكرام : الكلب يخلّف كلب. وهاذا هو اللي مخلّفهو ما هو جارهم اللي مخلّفهو. نيّال هالعايلة عايشة على تفاهم محسودة عليه!!!!!
|
| الساعة الآن 10:07 AM. |
Powered by vBulletin Version 3.8.6
Copyright ©2000 - 2026, Jelsoft Enterprises Ltd
Translation by
Support-ar
Copyright by Fouad Zadieke