بعــــد ستـّـة
:: بحبك ::
بعد 6 أسابيع : بحبك بحبك بحبك ... بحبك
بعد 6 شهور : اكيد بحبك
بعد 6 سنين : ياساااااااتر ! يعنى لو مش بحبك كنت هاتجوزك ليه ؟؟؟
*********
:: بعد الشغل ::
بعد 6 أسابيع : حبيبتي انا جيت من الشغل
بعد 6 شهور : انا رجعت
بعد 6 سنين : فين الاكل ؟؟
*********
:: جرس التليفون ::
بعد 6 أسابيع : حبيبتي فى حد عايزك على التليفون
بعد 6 شهور : التليفون دة ليكى
بعد 6 سنين : ماتردى ! انا عندى صداع
*********
:: وقت الغدا ::
بعد 6 أسابيع : ماكنتش اعرف ان نفسك حلو اوى كدة
بعد 6 شهور : عاملة ايه النهاردة
بعد 6 سنين : بامية تاني
*********
:: لما تشترى فستان جديد ::
بعد 6 أسابيع : مبروك ياحبيبتي *** هياكل منك حتة
بعد 6 شهور : انتى جبتى فستان جديد تانى ؟
بعد 6 سنين : همم بكام ؟
*********
:: لما يتفرجوا على فيلم ::
بعد 6 أسابيع : تحبي نشوف فيلم ايه ؟
بعد 6 شهور : ماتقلبيش المحطة انا عايز الفيلم دة
بعد 6 سنين : انا رايح السينما *** نامى انتى بقى
*********
:: لما تعزم اصحابها ::
بعد 6 أسابيع : وماله اهلا بيهم فى اى وقت
بعد 6 شهور : انتى كل اسبوعين هاتعزميلنا حد ؟
بعد 6 سنين : يوووووه دة مابقاش بيت
*********
:: في العيد ::
بعد 6 أسابيع : حبيبتي الكحك والبسكوت برة على السفرة
بعد 6 شهور : مش واجب بقي مامتك تجيب لنا الكحك
بعد 6 سنين : مش لازم كحك السنة دي .. انتى تخنتي اوي
*********
:: وهيّ رايحة للدكتور ::
بعد 6 أسابيع : حبيبتي قوليلى قبلها عشان اعمل حسابي فى الشغل
بعد 6 شهور : خدى مامتك ولا حد من صحابك
بعد 6 سنين : دكتور دكتوووووووور .. مانتى زى البمب اهو
*********
:: المولود ::
الاول : زى القمر .. شبهك
المولود التاني : شبه اخوه
المولود التالت : ياريت تخلّى بالك المرة الجايه
*********
:: لما يروحو السوبر ماركت ::
بعد 6 أسابيع : تحبي تروحى انهى سوبر ماركت يا حياتى
بعد 6 شهور : وماله عم انور البقال ؟
بعد 6 سنين : انتى بتودى الاكل فين !؟؟
*********
:: لما ييجي عيد ميلادها ::
بعد 6 أسابيع : معلش كان نفسي اجيبهولك الماظ
بعد 6 شهور : خدي 50 جنيه وهاتى اللى انتى عايزاه
بعد 6 سنين : مش عيد ميلادك كان السنة اللي فاتت؟.. هوّ كل سنة ولا ايه !؟
*********