[fouadzadieke]

الحبّْ مِنْ طَرَفْ وَاحِدْ

فؤاد زاديكى

(شِعِر باللهجة العامِّيّة)

قَالِتْلُو مَا بِدِّي يَاكْ
حِلْ عَنِّي عَم أتْرَجَّاكْ
قَلْبِي مو مِلْكِكْ يَا شَبّْ
بْعِمْرِي ما قِلْتُو أهْوَاكْ.

دَوِّرْ عَلْوِحْدِهْ غَيْرِي
طَيْرِكْ مَا وَافَقْ طَيْرٍي
إلّلي عَمْ تِعْمَلْ مو حُبّْ
بَعِّدْ عَنْ دَرْبِي وسَيْرِي.

مِنْ شَأنِكْ مَا عَمْ قَلِّلْ
يِشْهَدْ اللهْ مِ الأوَّلْ
حُبِّكْ مَا أَثَّرْ بِالْقَلْبْ
يَا ريْتِكْ تِهْدَا وْتِعْقَلْ.

هِيْكْ الدٍّنْيِا وِالإحْسَاسْ
وْهَادَا الحَاكِمْ بَيْنِ النَّاسْ
يِتْهَنَّى قَلْبِكْ يَا رَبّْ
شِيْ مَرَّةْ وتِشْرَبْ هَالْكَاسْ.