المرأة تقرأ قصيدة شعر كتبها زوجها فأسرعت تسأله:
هي: حبيبي مين هي هاي (سين)؟
هو: يا حياتي هي حرف لا يعني شيئا محدداً.
هي: لأ أكيد في وحدة تانية عم تكتبلها شعر غيري؟
هو: حياتي ليش لازم كل قصيدة شعر تكون إلكي؟
هي: اي لازم!
هو: طيّب وكيف يمكن يصير هيك؟ يعني لا أكتب إلا إلكي وبس؟
هي: حتى إذا كتبت مو إلي لازم يكون واضح إنو مو منشان بنت محددة. تمام!
هو: صدقيني يا حياتي الشعراء أكتر كتاباتن هي من الخيال. وما عم بيقصدو ب (سين) و(صاد)و(عين) أسماء معينة.
هي: يعني في كمان وحدة تانية غير (سين) واسمها (صاد) وتالتة اسمها (عين)؟ مين هدول النسوان يا نسوانجي؟ لازم أعرف وإلا ما إلي قعدة بهالبيت!
هو: يا مرا وحياة ألله. هادا كلّو حكي فاضي.
هي: أعرف.. أعرف إنتن الشعراء عم تكزبوا على نسوانكن منشان تبصبصوا على غيرن!
هو: ليش هيك عم بتفكرين اليوم؟ ليش هالعصبيّة؟
هي: أنا بدّي أجنّ. يوم فلانة ويوم علاّنة. يعني ما إلك شغل في الشعر غير مع النسوان؟
هو: ولك يا حياتي كبري عقلك! ما بقينا زغار تأثر علينا هيك شغلات!
هي: لا لا لا إنت على طول تحاول تغيّر الموضوع لما تقع في زنقة وما تقدر تجاوب على أسئلتي.
هو: ليش هاية محكمة؟
هي: طبعا محكمة لأنو كل الرجال يخونون ويلعبوا بديلن من ورا نسوانن.
هو: الله وأكبر! شو بدّكن ياني أعمل؟ يعني أبطّل أكتب شعر؟
هي: اي تبطلّ!
هو: يا حياتي أنا ما أقدر أبطّل كتابة شعر. لأنو الشاعر متل السمكة إذا طلعت من المي بدها تموت! والشعراء كمان هيك إزا بطّلوا يكتبوا شعر بيموتو!
هي: أنا ما بعرف. يا بدّك تكتب شعر عليّ بس ويا بطّل تكتب بنووووووب!
هو: اي والله هادا ظلم يا مرا!
هي: ظلم ما ظلم أنا ما بعرف. يوم مع (سين) ويوم مع غيرا. الله وأعلم وأكيد أكيد هنّن نسوان بس إنت ما تريد تقول مين هنّن!
هو: يا حياتي هالحال إزا استمرّ هيك ما بيمشي وما نقدر نعيش مع بعض.
هي: اي مو مشكلة إنت روح الحق السينات والعينات تبعك هدول وخلّيني براحتي. يكفي تحرق أعصابي وتثير غيرتي المجنونة!
هو: ليش إنتي عاقلة؟
هي: شو عم بتقول؟؟؟؟
هو: يعني قصدي ليش في عاقل يحكي هالحكي؟ بعد كل هالعمر تقولي هالشي؟ وين بقيت الثقة والمحبة وغيرا وغيرا؟
هي: لا تحاول تلعب على وتر تاني. أنا أريد أعرف مين هدول النسوان؟
هو: والله العظيم ما هنّن أسماء حقيقيّة!
هي: لكان ليش تكتب عنّن؟
هو: الشعر يا مرا لازم ما يكون محدد بس فيكي؟
هي: أنا ما بعرف. إزا بدّك تكتب شعر لازم يكون إلي بس وبس و إلاّ!!
هو: شو هادا يعني تهديد؟
هي: افهمو متل ما تفهمو!
هو: لأ لأ إنتي صرتي مو معقولة أبداً. وعلى هالحالة ما بقدر أعيش معكي بعد هاليوم!
هي: اي متل ما بدك روح الحق هدول الحروف تبعك!
هو: كمان مرّة؟
اي وألف مرة كمان. لحتى تبطّل تكتب شعر غير إلي!
هو: والله العظيم راح أبطّل من اليوم نهائيا كتابة بيت واحد من الشعر... ارتحتي هلاّ؟
هي: اي ارتحتو!
هو: اي الله لا يريحكي. متل ما عملتيلي هالصبح مشكلة!
هي: أنا مشكلة؟
هو: اي إنتي وأبوكي وأبو الخلفوكي مشكلة. وهاية بطّلت أبقى دقيقة وحدة بهالبيت!
هي: روح الله لا يكون معك.
هو: اي رايح!!!
هي: بس اوعى تروح عند (سين) و الا (عين) والا (صاد) ها!
|