05-07-2006, 07:06 PM
|
 |
Administrator
|
|
تاريخ التسجيل: Jun 2005
المشاركات: 49,126
|
|
اكتبوا أحاسيسكم بقلم: فؤاد زاديكه
هي: يا زوجي يا أحلى زوج بهالدنيي كلها ومهضوم خلقي ضاق بهالمبعوج ما هو حتّى تلات نجوم! هو: أوتيلات الخمس نجوم ما هي خلقاني إلنا من حاجتنا عم بنصوم ما بظنها رح تحملنا! هي: جارتنا و زوجا مكيفين وزنن زاد ومشكورين أحلى صيفيّة مصيفين ونحني هوني مطمورين! هو: يا مرتي يا بنت الناس هنّن الله عاطيهن يكفيك غيرة وإحساس من شرّ عينك خلّيهنّ! هي: ما عم بحسدهن والله لاكن هايي مو حاله هنّن فالجنّة والله ونحني بهايي الزبالة! هو: يا عمري ما في عِمله و من غيرا الحالة صعبه لازم أعملّي عَمله شو مخلوقة ملتهبه! هي: كنّك عم تشتم فيّي وما بتراعي إحساسي اليومه طالق يا عنيّي ما عم بتعبّي راسي! هو: روحي الله يحلّيكي حاجه أوضاعي تعيبي يمكن غيري يهنيكي جيبو أكبر من جيبيّ هي: بدّي أرجع ما بقدرْ لو ضلّيتو هون بطقّ إنت حابب تا تفقرْ وتضلّك بالشّقّ والدقّ! هو: ماني عم صدّق نفسي كيف تحمّلتو جهلك يكفي عا قلبي تقسي وتزغري متلك عقلك! هي: لو كنت بتسرق متلو كنّا متلن مبسوطين عم يتبرطل من شغلو وإنتْ ديّاتك مربوطين! هو: ما رايح أسرق ليرة وحده لو متّو م الجوع ولو عشتو بهالتعتيرة صوتك عندي مو مسموع!.
|