يا صاحبي وش فيك قاعد لحالك
ليش انت متغير ومشغول بالـك
صارحني قاسمني عناك وهمومك
ما أطيق أشوفك متعب الهم حالك
يا صاحبي ضاقـت علـي الليالـي
باللي شغل قلبـي وفكـري وبالـي
خوفي اسولف و اخسر إنسان غالي
ياأخسرك أو أخسر اللي في بالـك
حيرتني واحترت باللـي تقولـه
وإن كان عندك سـر بالله قولـه
ما عاش من يخسر غلاك بسهوله
ولا عاش من يقطع بعمره وصالك
خايف أقول واصدم إحساس قلبك
واحد لعب بي في الغرام ولعب بك
هو حبني وانتـه تفكـر يحبـك
لاهو وفا لحبـي ولا هـو فالـك
يعني أنا وانته بها الحب ضعنـا
واللي تحبه ياحسافـه خدعنـا
مثل غرامه واتقن الدور معنـا
والغدر طال إحساس قلبي وطالك
هذا الذي هو صار بينـي وبينـك
واسهر عيونك في غرامه وعيني
كلمة احبك لي تجي لـك تجينـي
والشوق نفس الشوق جاني وجالك
يا صاحبي مهما تكون الحقيقه
لو تشتعل في القلب مية حريقه
أنا من اللي صعب يخسر رفيقه
لجل المحبـه أو أبـدل بدالـك
وأنا من اجل الحب مخسر رفيقي
ولا اغيّر عن طريقـه طريقـي
واللي جمعني معك حب(ن) حقيقي
لك ماتبي حتـى حياتـي فدالـك
__________________
بشيم آبو و آبرو روحو حايو قاديشو حا دالوهو شاريرو آمين
im Namen des Vaters
und des Sohnes
und des Heiligengeistes amen
بسم الآب والأبن والروح القدس إله واحد آمين