[الياس زاديكه]

عشر قصائد غزل !!!
1 - شافتك عيوني بعد طول صدك وغيابك
ومثل ماودك هالزمن اليوم جابك
وجابك تشوف الصم والعذاب اللي سببته
وشريان قلبي اللي بكلامك قطعته
دوم اذكرك بالخير وانا عايش بعز عذابك
وهنت نفسي يوم رافقتك لحد بابك
تتهمني بكلام باطل بفعايل شينه ورديه
وتخليني بشقا بعد عيشه هنيه
طعت العاذل اللي لامك وغير كلامك
ونساك من حبك ويتمنى سلامك
ارجع لماضيك يالحبيب بس ارجع شويه
وتذكر كلامك ووعودك الوهيمه
روح وخلني لحالي وعيد لحالك بعيدك
ترا الحب لاهو بيدي ولا بيدك
روح ولا تولع النار اللي كانت بقلبي سريه
وتقلب جروح طارت غامضه وخفيه.
2 - لانسيتك ذكرته حلمي المستحيل
ولاذكرته نسيتك في الليالي خيال
كوني اول قصيده تنكتب للرحيل
وكوني اول قصيده تنكتب للوصال
علميني احبك في الزمان الهزيل
وتركيني اشيلك في كفوفي ضلال
من يدور بصوتك لامنياته نخيل
مابقى في عيونه لليالي مجال.
3/اموت من فرقاك..واموت بلقاك
واموت من جورك واموت بحنانك
كل قضاه يموت مره..ويفداك
وانا اموت الفين مره..عشانك!!
اذكرك لامني نسيت اني انساك
وانساك لامني ذكرت نسيانك!!
حنا..ولامن قلت حنا..تحنا
كل الكلام بعطر تاريخ الاجداد
يا كبر حظ اللي نخانا وثنا
نشدله فوق الفخر..سرج وشداد
يابنت يمي كان رمشك تمنى
واشق لك ثوب السما..جود وعناد
حنا البدو يابنت هذا لحنا
نحبك اكثر..ولاغدى حبك جهاد!!.
4/ابعد اقول انساك
وانسى عساي اسلاك
لكن معاي القاك دايك
تايه بعين الشوق هايم
والقى الالم كل الفصول
ليل العنا في يطول
يافرحي ياهمي وجروحي
يااغلى من روحي لروحي
مااقدر على النسيان
مااقدر على النسيان
لاشفتك انسى كل شي
كل اللي راح من الالم كل اللي جي
واصير ادور عالامل
في عيونك في صورتك ورا لون الخجل
يذوبني الحرمان
وانت وانا نفس المكان
مااقدر على النسيان
مااقدر على النسيان
5/انا من بقالي من الدنيا لحنك الحزين
اعزفك من عمري المشحون ضيم وقهر
محتاج ياوردخ تنضح دلال وتزين
محتاج لك حلم اعبر به حدود السهر
انتي عطيتيني اهات الوجع والونين
وانا عطيتك صدى حزين من اول شهر
كنتي لي الضحكه البيضا بثغر السنين
كنتي شذاي المسافر في جذور الزهر
كنتي هناي ومناي وكنتي اوفا ظنين
كنتي وكنتي وكنتي حلم..حلم انصهر
واليوم صرتي معاناه وشتياق وحنين
احساس مجهول يدفعني..وطعنه ظهر
ياقلبي اللي تركته في ايدينك رهين
ياصوتي اللي رفعته للملا واشتهر
ياقصتي..غصتي..مدري متى تنتهين
ياسري اللي كتم صدري وقلتله جهر
الى متى امشي خطا في سكه التايهين
الى متى اطلع من اطواري واسب الدهر
انتي ماترغبين انتي وما تشتهين
سوقي ركابك ودوك العمر كله مهر
6/((نسيتيني))
شوفي..الايام..والسنين اللي..فرقتنا
اليوم..من غير..ميعاد..جمعتنا
بس شي..غريب..وشعور..عجيب
انا اللي..بديت..بالسلام..وانا اللي..بديت..
بالكلام
وانتي..مع الاسف..تجاهلتيني
ونسيتيني..ولاكنك..ابد تعرفيني
تصدقي رغم..انا افترقنا..من وقت..طويل
الا اني..محتفظ لك..بالشوق..والحب..حتى
بعد الرحيل
على امل..اني..اشوفك في..يوم..من الايام
نرجع..ونرسم..من جديد..اجمل..الاحلام
لكن..موقفك..هدم..اجمل..شعور
ياليتني..مانتظرتك..اليوم..انا منك..
مكسور
وياللي تجاهلتيني..ماعندي..شي..اقوله
ارحلي..بعد..مااغتلتي..احلام..الطفوله.
7/لو القلم يشكي والاوراق يشكن
ولو يصير الدم من جمر وقاد
ولو هي تشيب ابيات وابيات تنجن
ولو هو يصير الحرف من غير ميلاد
لانظم قصايد عشق في عقدها فن
واربط عنان القاف باطناب واوتاد
واكتب قصيدكل من يسمعه حن
واسجله فوق الورق غصب وعناد
حتى تخف جروح وجروح يبر ن
وحتى يطيب العيش للنفس والزاد
وحتى تغص عيون ياما تباكن
وتطعم حلاوه النوم وتلذ برقاد
8/هلا وغلا بك لو مع الحلم مريت
لو زار طيفك ناظري يوم صدفه
ياواحد فوق الاماني تعليت
قدرك بقلبي ياحبيبي تعرفه
لولاك في دنيا الهوى ماتهنيت
ولا عرفت الشوق وشلون وصفه
خذيت قلبي والنظر والتناهيت
وعلمتني احلى شعر كيف اوصفه
مسموح مهما صار منك وتماديت
يشفع لك انك حلم عمري وشفه
كل تخلي غير انا ماتخليت
الناس في كفه..وحبك في كفه
9/طال الصبر والهجر بانت مواريه
وطال الجفا..والقلب زاد العنا..به
عايش حياتي كلها ميت فيه
ياسعد عين بشرت باللقا..به
صوته يجرحني برقه معانيه
وامد لنا صوتي واجر الربابه
اسهر تناديني نجومي واناديه
واغفي ويسهر في خفوقي عذابه!
اما يجيني ياهلي..واما انا ..اجيه
لابد مااسمعمنه كلمه جوابه
اما اعرف انه يبيني وانا ابيه
واما هلا بالموت..يامرحبا..به
هو عله القلب الشقي..هو مداويه
ياشيب راسي كان غره شبابه!
يلرب يغليني ولو ربع مااغليه
يارب يرحمني..اذا جيت بابه!
هو كل هذا اللي مضى مايكفيه؟!
وش عاد عندي غير دمع وكتابه!
يارب..يارب الملا طحت بيديه
والحال قشرا..كان طول غيابه!
10/رحت اسأل الليل عن اول ماقابلتك
ولا مضى ليل مامرك ولادانك
اسافر بعيد لامني تخيلتك
واروح ادور على ذاتي بوجدانك
لو انك تحس فيني ماتجاهلتك
ولا طلبت الزمان يجيب نسيانك!
ولا هنت قلبي على هجرك ولا اهملتك
ولا احترق قلبي بنارك وحرمانك
صديت عنهم من الباقين فضلتك
وانا الحبيب الوفي لي ما بعد خانك
حبيت من كل ماعندي ودللتك
واللي تمناه سويته على شانك
هالحين ماعاد تنفعني مجاملتك
ماكان يستاهل اللي حبك وصانك
تطلبني العذر ياما اعطيت وامهلتك
تطلبني البعد من هالحين برهانك
منقول