فعلا فعلا كلها صحّ
مِنْ جرّبها يعرفها
معبّا وبعد شويّة بحّ
بعد محبّة يقرفها.
لمّا الواحد يوقع فيه
هالعشق اللي ما يرحم
ما ممكن واحد يشفيه
قولولو ألله يرحم.
العشق بيقتل هالإنسان
السلّملو قلبو وعقلو
تشوفو مهموم وتعبان
ومن عقلو شي ما بقلو.
الشغلة ما هيّة بالإيد
حتى نتحكّم فيها
لو ردنا لو ما بنريد
حالة صعبة خلّيها.
حالة عشق وحبّ جنون
قلبك يضعف ما يحملْ
هالهمّ اللي يملي الكون
جوّا أعصابك يعملْ.
صوم وصلّي وقوّي القلب
لا تستسلم أو تنهارْ
في إلنا قوّة م الرّب
تعمل كل عتمتنا نهارْ.
شكراً يا فادي الغالي
موضوعك بحرو مفهوم
اليعشق ينزل من عالي
ورح يبقى عمرو مهموم!