يا ستّار وبه لومانْ
يا ستّار و به لومانْ1
كشّي فالدّنيه فز?انْ2
هازا يسرقْ مال الغيرْ
وهاك تقول بَلكي شيطانْ!
(فَرحة) كي مفطوصه اليوم
إم زوجا عند الجيرانْ
ما خلّتْ شي ما قالتْ
إلى حِكيتْ عالنّيشانْ3
كنّتنا ما طلعتْ بنتْ
قالتْ و الفِرجة نسوانْ
?ِسْ?ِسّنْ4 ?رکرّنْ5 صارْ
إلى ما سمعوا الحيطانْ
ألله يصْطر6 عالحرمه
بَلْكي خِطيتْ وا قُربانْ!
كل واحد يخطا ماكو
يِفلتْ م الغلطة إنسانْ.
ليش الرجّال يحقلو
يعمل ويسه أشْ مِنْ كانْ؟
وهيّ ال??ّوكه7 تشقى
وتبقى ستوكه8 فالدّكانْ؟
لازم هالعقليّة تروحْ
بقيتْ بَسْ عند العِرْبانْ
متل الشّب يحقلو هيك
ما لازم هيّ تنهانْ!
دنيتنا تمشي قدّامْ
لا نبقى دوفكة9 حيوانْ
نفزع نتقدّم و نشوفْ
غير شكالْ وغير الوانْ!
مو نقدر نظلم هالبنتْ
ونخلّي الرجّالْ حصانْ
و صَورْ10 إي?قّز11 علكيفو
يظربْ سكّه فالفدّانْ
ميكو عدلْ و لا إنصافْ
ولا يتْسيوا12 فالميزانْ
ولو ما سيْوَينا بَيننْ13
تيبقى معملنا خِربانْ!
1- عبارة تقال عند الاستغراب والتعجب لدى حصول أمر غريب غير متوقّع.
2- خِربان وتالف. لم يعد صالحا للاستعمال.
3- عادة كريهة كانت قديما يراد منها التأكد من أن العروس بكر أم لأ. وتكون بوضع قطعة قماش بيضاء على سرير الزوجية لتكشف عذرية البنت بعض نقط من الدم تجري لدى فض غشاء البكارة فتبريء ذمتها.
4- الحديث بهمس مع شيء من الغمز واللمز بشكل يثير الانتباه.
5- جريهن وركضهن.
6- يستر ويحمي.
7- والمسكينة والدرويشة التي لا حول لها ولا قوة.
8- ستوكه: أي تبقى في بيت أبيها بدون زواج وتصبح عانساً.
9- ذنب أو ذيل.
10- صّور: ثور.
11- يرقص بفرح وينطنط بقدميه.
12- يتساوى ويتعادل من أجل إحقاق الحق.
13- بينن: بينهم, وهي مقارنة أو مساواة بين اثنين.