عجزت اصبر ما تعودت فرقاك
في غيبتك ماني على الصبر قاوي
وين انت عني وش حياتي بلياك
عقبك حياتي والممات امتساوي
زولك معي دايم وطيفك وذكراك
والقلب ماله غير قربك مداوي
================
في داخلي لك حب تضيع الدنيا فيه ،،
حب يغطي الأرض ويحجب سماها ،،
حب بروحي أشيله ومن دمي أسقيه ،،
حب مايبدله لين الأيام وقساها ،،
أهديكي قلبي وهذا أقل شي أهديه ،،
خذي الفرح منه وردي الأحزان للي هداها..
==================
ياسما وين القمر خله يبين
باسأله عن واحد يشبه حلاه
غاب محبوبي وأنا قلبي حزين
مادرى ان الروح ذابت في غلاه
كان تدري ياقمر خله يجين
أسعد اللحظات هي لحظه لقاه
بانتظرلوطالت المده سنين
بانتظرأيام عمري في رجاه
===============
كانك تذكرني على البعد لحظات
فأنا على كثر الوله مانسيتك
تهزني الذكرى على كل مافات
لاغبت عن عيني في قلبي لقيتك
ما غيرتني عنك بعد المسافات
ليتك تشوف لهفة الشوق ليتك.