بدي أبلش من محل ما خلصت أستاذ فؤاد ... ( بما فيه الصالح العام )
ومنشان هادا الصالح العام حبيت اشترك معكن بعد ماشفت أنو كتير كتابات صارت تنكتب بالموقع مابعرف أي صالح عام عم تخدم ؟
اسمحولي أكون صريح معكن ولا تزعلوا من صراحتي واتمنى تقبلوا كلامي لأنو غايتي ما ينخلط الصالح العام وهو غايتكن أكيد مع الصالح الخاص والفرق بيناتن كبير كبير .
أين هو الصالح العام أنو نحول المشكلة اللي صارت في ديريك لمشكلة سياسية ونورط أهالينا هونيك بكلام بالاول وبالآخر ونعرف كلياتنا هو فزلكات ... من مصلحة أهالينا فديريك ؟ أنو نعطي علين صورة أنو بمواقعن على الأنترنت عم يضربوا بالدولة وبالنظام و ... و ... و .... أش رح يفيد هالكلام ؟
مو غايتنا الصالح العام ؟ مو تهمنا مصلحة أهل ديريك ؟
أهل ديريك مالن حدا يمثلن ؟ مافي سلطة كنسية ؟ ومجلس ملي ؟ هني أدرى بالصالح العام من كم واحد قاعدين بأوروبا بياعين حكي .
أين الصالح العام لديريك وأش رح يستفادوا أهالينا هونيك لما حزب متل شورايا ولا مابعرف أيش ؟ يطالعوا بيانات سياسية منشان قصة ديريك ويحطوا فيا حزب الله وحماس و ... و ... وااااويليييه أش صارت ديريك مركز القوات اللبنانية ولا وليد جنبلاط طلع منا ومالنا خبر ؟؟؟
معروف لكتير من النيس أنو حزب شورايا ألو علاقات مع القوات اللبنانية .... يصطفل ... حزب سياسي وهو حر ..... بس أين الصالح العام لديريك يعبر عنا هادا الحزب ... ؟
أهل ديريك طلبوا بعد المشكلة مساعدات معنوية ومادية من المغتربين بأوروبا ... ماطلبوا بيانات سياسية وعلاك مصدي يزيد مشاكلن ويحط علين شبهة .
أهل دريك أكيد رح يكونوا مرتاحين أكتر وممنونين لو كان أسلوب المغتربين سلمي أكتر وبالعقل وبالحكمة مو بالهوبرات وصف الحكي .
صار اجتماعات للمغتربين بأوروبا واتفقوا يساعدوا أهالينا المتضررين ماديا وهادا فيو صالح عام نعم بس في كم واحد تعودوا باسم الصالح العام يستفادوا ويتبروزوا ويعطوا الناس دروس بالسياسة والوطنية .... بس نسيوا أنو مابقى ويحد غشيم وهيك أساليب صارت مكشوفة بقى يروحوا يلعبوا بعيد ويخيطوا فغير مسّلة .
ديريك والاشراف اللي يمثلوها بالداخل ( كنيسة ومجلس ملي ) والخارج ( مغتربن قلبن على ديريك وأهلن هونيك ) ما يقبلوا أي كلمة انقالت ببيانات شورايا والسيد رئيف اللي نحترموا بس هو كمان يحترم شعب ديريك والقيادات اللي تمثلوا واللي ما فوضتو لا هو ولا غيرو حتى يحكي بأسمن وأتحداهو ينشر هالكلام بموقع مالكية ديلان .......
طولتو عليك استاذ فؤاد لا تواحذني بس ياريت تكون وصلتك فكرتي عن الصالح العام اللي ممكن أنت تشوفو غير شكل عن مايشوفو تسعين بالمية أو أكتر من أهل ديريك ... وأنا أبقى أحترم رأيك بس أشوف أنو اذا كان الموقع يعبر عن أكترية أهل ديريك أحسن ما يعبر عن كم واحد شعبيتن تحت الصفر وما بحياتن مثلوا ديريك أو حكوا عنا إلا لغاية في نفس يعقوب ..........
أشكركن عالترحاب واتمنى تقبلوني بيناتكن منشان يبقى هالموقع يخدم الصالح العام .... العاااااااام وبس .
|