تسلم استاذ فؤاد .... صدق ما شكيت أبدا ولو للحظة أنو لما تتوضحلك الصورة والقصد من ورا كلامي رح تكون أكيد فؤاد زاديكة اللي نعرف واللي عودنا أنو مصلحة شعبو وبلدو فوق كل أعتبار وأصلا موقعك هاد أكبر دليل على غيرتك ومحبتك وتمسكك بأصالتنا وتاريخنا ونعرف أشقد تتعب وتقدم وتعطي من وقتك منشان أهل ديريك والجزيرة بكل مكان بالعالم يتواصلوا ويتعرفوا على تراثن ويفهموا حاضرن ويخططوا صح لمستقبلن وتأكد أنو هادا الشي رح ينذكرلك جيل بعد جيل لأنو الواحد مننا بأعمالو وأفعالو ينذكر وأنت ماشالله عملت وقدمت ولهلا كل مفيد وجيد لبني جنسك .
تحية كبيرة لألك ولكل واحد مخلص مشترك معك بهالموقع اللي مع شي الكتبت وجمعت عن تاريخنا صاروا متحف شعبنا ومكتبتو .
أشجعك على القرار اللي أخدتو وأقلك أنو هيك حطيت الموقع على الطريق الصح منشان يصل لغايتو ويزداد تأثيرو وتكبر شعبيتو وأرجع أقل رأيي أنو كل فكرة وموضوع حتى لو كان في السياسة اذا كان يخدم المصلحة العامة لشعبنا فكلياتنا نرحب فيو وندعمو وما حدا ينزعج منو بس المواضيع اللي ما تفيد وتخدم غير أصحابا مالا محل لاهون ولا بكل موقع يحترم حالو .
الى الأمام .... الى الأمام ..... الله يوفقكن
|