طيفك يمر بخاطري دايم الدوم …
ومن كثر ما أذكرك ضاعت صلاتي …
يرتاح بالي إن لفت منك علوم …
وان دق هاتف قلت هذا غناتي ..
هل كيف أنا بنساك يا زين ماروم …
لحظه افراقك هي تساوي مماتي ..
******************
لا تحسب إن البعد ماخذك مني ،،
ولا تحسب انك لامن ابطيت بنساك ،،
العالم الله لا بعدت انت عني،،
يملا الحزن قلبي ولا أطيق فرقاك ،،
ببقى على خبرك حبيبك لأني
ماني بلاقي في المخاليق شرواك
*****************
أعاهدك ببقي أنا وأنت خلان
ودرب المحبة يا لغالي ندله
يا صاحبي خل المحبة إنسان
إنسان ما يرضى بحكم المذله
ببحر أنا وياك من دون ربان
نمشي ببحر فيه الأشواق فله
أنا معك والبحر والغيم خلان
ما نفترق لو كلٍ يموت بمحله
*****************
ما يموت الشوق لو قل الوصل..
وما يهز القلب زلزال الظروف ..
وأنت داري في معزتنا اصل ..
ولو يطول الصمت لا يلحقك خوف ..
والغلا بالقلب والله متصل ..
ثابت مثل الأصابع بالكفوف ..
***************
مســـــأله صعبه ؟!
وأشوف إن الإجابة تعتليك,
دور عنها يا قلبي بأول وآخر مداك ،
دور عن منهو بروحه يفتديك،
ودور بالكون كله منو يصبر في جفاك ،
وأن لقيت من يحبك كثر حبي أو شبيه ،
اقتلني
واكتب على قبري
هذا "جزاك
****************
لــــــك
وحشه في خاطري ما لها حد ..
في غيبتك كل المشاعر تنادي ..
كـــــــل
الوجوه اللي غدت عني تصد ..
أقول روحوا لا تردون عادي ..
إلا"إنـــــــت"
اشتاق لك مووووت من جد ..
أحس لك وحشه تقطع فؤادي ..
***************
مسكت القلم
أخذت الورق
بغيت اكتب
بعض الجمل
لقيت دمعي اللي كتب
كتب جمل غير الجمل
كتب جمل كلها
بسمة أمل
كتب على أول سطر
"أحبك"وعلى ثاني سطر
"احبك للأبد !
وكتب على آخر سطر فوق الورق
ما نفترق ..
ما نفترق للأبد
****************
جيت لك من جمر الشوق متحمي
كـل ماتبـرد طعونـي ضمهـا
جيت لك واقصى معاليقي تومي
هـم يخطيهـا وهـم يخمـهـا
ان ضميت اشرب سواليفك بدمي
وان تثاقلـت الـدروب ازمهـا
وان خذتك مني عين ماتسمـي
العـن الدنيـا وابوهـا وامهـا
***************
كنت اظنك في قصيدي بس مجرد خاطره
بس لقيتك في شعوري إنت إللي بيت القصيد
كنت اظنك في قصيدي بيت ممكن أكسره
بس لقيت الوزن ثابت من الوريد إلى الوريد
كنت اظن الليل دونك بس ليل وبسهره
مادريت انه بدونك فجري المسافر بعيد
*********************
طول غيابك وانت بالقلب
موجود...
ماغبت عني يابعد كل غالي..
أذكرك لاشميت انا ريحه
العود..
اذكرك لاهبت هبوب
الشمالي
أذكرك لابانت لي أزهار وورود..
أذكرك لاشفت القمر
فوق عالــــــــي.
**************
ألا يابحري الهادي..
أبي أجلس معك هالليل
وأبحكيلك وأسولفلك
عن غالي وحشني حيل
أخذ عقلي.. وأخذ قلبي
ومن بعده شربت الويل
أنا أحبه وأوده..
ومن بعده دموعي سيل
فداه عمري..فداه روحي
وله عيني تشيله شيل..