دوك الهدية يا بعد كل الهـــــــدايــا
......لو بعد عمري تبي عمـــري هديــه
لك خفوق(ن) نابض(ن) بين الحنايا
......كل دقاته حــروف الأبجــــــــديــــه
أنت نجمي وأنت قمرا في ســـمايـا
......أنت نوري فالليــــالي السرمــديــــه
كــل ورد(ن)قد تمــــايل للمـــرايــا
......عطره الفــواح منثـــور(ن) بأيديـــــه
***********************
أنــــــــــــــــــــــــــــا
محتاج لقربك وعونك
لان العمر يقصر بدونك
أنا مالي أحب بالدنيا غيرك
أنا مالي عيون الا عيونك
أنا صحرا أملها في سحابك
أنا فيني جروح كثير مابك
تعال لو تبي أتعذب روحي
عــــــــــــــــــــــــــــــــــــذابك
عندي أهون من غيــــــــــــــــــــــــــابك
****************
إن مت لك بالقلب صفح وغفران
و إن عشت لك بالروح صافي المودة
لك في ضميري حب ما طاله إنسان
و في جبهتي من لوعة الحب سجدة
أشهد صدق من قال للحب سلطان
با مـــــاخذن قلبي من الجوف .... رده
*******************
فيروس هجرك عطل القلب تعطيل ..!!
ودمر ملفات الفرح في حياتي...
ياللي سكنت القلب من دون تحميل ....
متى لموقعنا تشرف و تأتي ....
عنوانكم ماهوب ياهو وهت ميل!!!
عنوانكم .... روحي وقلبي وذاتي....
*******************
يارب ياعالم خفيات الاسرار
ياواحد كل الملا يرتجونه ..
تحفظ صديق الروح من كل الاخطار
وتحقق آماله يارب وتصونه ..
عسى الوطا تحته بساتين وأنهار
وعسى السماء فوقه ترفرف مزونه
********************
ياهي رساله غاليه تشبه النور...
أحبها من حب شخص كتبها...
من يمنعه لو يسكن العين ويجور...؟
من يمنعه لو كان يتلف عصبها...؟
تفداه عيني ... بس ألاقيه مسرور..
والثانيه تحت الطلب لو طلبها......
*******************
لو فرضنا
الكون بكفي اليمين!
والناس بكفي الشمال !
والبحر بجوفي أسير
وخادمي ذاك الامير
لو فرضنا كل ماقلته يصير!
وإمتلكت الكل بكفوف الخيال!
صدقني بشوفتك أرميهم جميـــع!!
مثل طفل صغير رمى ألعابه يوم قلت لــه
(تعـــــــــال)
********************
ياليت قلبي لك عصيده ومرقوق ..
والروح لك خبزه وحبي لك إيدام ..
وإن كان نفسك تشتهي بيض بعيون ..
هذي عيوني لك مقلقل من العام ..
والكبد محموسه على الشوق بالهون ..
وإما الحلى ما عندي إلا انت يا زين
*********************
البارحه في لذيذ النوم لاقيته !!
أحلام جابت حبيب الروح خداعه !!
فزيت أرحب ودمع العين هليته !!
ورميت نفسي وجا راسي على ذراعه !!
وقعدت أضمه وفوق صدري لميته !!
وأتاري أضم الوساده صار لي ساعه !!
*********************
قصة عذابي ماجرت للمحبين !!
ياما شكيت الحال مما جرالي !!
ياروح مالي في السعادة عناوين !!
ما للسعادة في حياتي مجالي !!
أحمل جروحي واحبس الدمع في العين !!
واشكي فراق اللي على الروح غالي !!
**********************
حب معنى للوفاء بين قلبين
ياعاذلين القلب لا تعذلوني
لا صار من تهواه يسوى ملاييين
ودك تحطه فوق كل الظنوني
حتى ولو انه بعيد عن العين
البعد بعد القلب لاتشغلوني
وحبل الوصل مشروع بين المحبين
لا ما يحول البعد دونه ودوني
******************
أحب دهن العود وأنواع الأطياب
وأحب ناس ماتعرف الخديعه
أحب كل انسان راقي وجذاب
صدوق في حبه ونفسه رفيعه
ترى الوفا بقلوبنا ماله أسباب
فطره خلقها الله وصارت طبيعه
*********************
نزف قلبي قبل دمع العين تساكب 00
واقبل علي الليل يقول وينه 00
وين اللي ملا علي الكون غايب 00
غاب قابض روحي في يمينه 00
الشهيد الله اني في حبكم ذايب 00
والله يعين مفارق غاليينه 00
**********************
أروي ضمى غيرى وأنا يابس الريق
وأضحك واجامل لو مانـى برايـق
وإن ضقت أسلّي خاطري بالطواريق
وأستلهـم الفرحـه لنفسـي دقايـق
وإن شفتك بعينيي وفي خاطري ضيق
إنزاح هم القلـب وأصبحـت فايـق
***********************
وعذابي كان لي نفس صحيحه
خيرت مابين صدك والمنيه
أن نويت البعد ضاقت بي الفسيحه
وأن بغيت القرب خان القرب فيه
كيف بخفي الحب وجروحي صريحه
كيف أحجب الشمس ياخلي بيديه
كيف أداوي علة النفس الجريحه
وين أودي دمعة العين الشقيه
*****************
شكواك للي طالبه مابعد خاب
ودعواي لك يالله تطول سنينه
كم واحد من الحب منصاب
الحب قاتل ماأحد يقدر يدينه
يادمع عيني لمن تغرب ومن غاب
ياشيب عيني لمن يفارق ضنينه
قلبي عذلته لكن القلب ماتاب
والحب تلعن ساعته وسنينه
*****************
أبشتكيلك دامك أعز الأصحاب
شكوى جريح يبتسم من ونينه
القلب ياخلي جريح ومنصاب
خلا دموع العين تنزف حزينه
على هنوف صكوا دونها الباب
من عقب ماحنا ظنين وظنينه
حلفت ماأنساها ولو فوقي تراب
وأنا بوسط القبر لأقول وينه
******************
يازين حبك رج قلب العناء رج
شف له طريقه قبل توقف عروقه
أما تدور له عن الحب مخرج
ولابعد حرقه تداوي حروقه
هذي سنه وخيول حبك تسرج
من فوق قلبي لين بانت فتوقه
أما أنتصافا بالهوى ونتهرج
ولانكب الحب ونكب سوقه
*******************
مني للغالي سلام وتراحيب
مضمونها تقدير من قلب صافي
سلام ياراعي الوفاء والمواجيب
سلام يارجل مع الناس وافي
أجيك لو ماأرسلت يمي مناديب
آصلك لو أني على الرجل حافي
********************
سافر حبيبي مابقى غير تذكار
تذكار عين للمحبة سهيره
سافر وقلبي من عنا البعد صبار
مبعد من عيوني وقلبي يديره
أجامل الضحكة وقلبي على نار
والجمر في جوفي تزايد سعيره
*********************
عرفت بحياتي لوعت الوقت والحرمان
وعرفت العذاب وتعبت أميز ألوانه
وجلست أذكر الماضي على قول كان وكان
غرام حفظته ياعسى صاحبي صانه
تراك بحياتي نابض القلب والشريان
ودونك حياتي ياهوى البال خسرانه
***********************
غايتي ومناي بالدنيا رضاك
لو يقولون العرب صابه جنون
لو جفوني من نهوني عن هواك
لو رضيت فراقهم عندي يهون
لو تغيب سنين قلبي مانساك
لو تعذبه المواجع والطعون
حالف ماأنساك لو بعدك هلاك
ومن حفظ عهد المحبة مايخون
*******************
أسأل وأنا كلي من أجلك إجابات
كل الصعايب لأجل عينك سهاله
يضيق صدري لو بفارقك لحظات
وأصير بعدك بألف حاله وحاله
لو كنت غايب وأبعدتك المسافات
لك صاحب ماغبت عن خياله
*******************
للفرح يوم هليت في قلبي
هبوب
ما اظلم زماني يوم عن الكون
غايب
لك بسمة تتملك الكون
بالطيب
ولك نظرة سوت بروحي
العجايب
يا جعل عمرك سعد وايامك
تطيب
وجعلني فدا حبك ماعنه
تايب