[الياس زاديكه]

لاتتعلم السرقة !!!
أطرف قصة سرقة جوال كانت في صالون حلاقة يقول الحلاق في يوم من الأيام دخـل
علي رجل شخصية جنتلمان يريد يحلق ذقنه و بديت أحلق له و دارت بينا السواليف بعد
فترة قام يدور على جواله بجيبه ما لقاه قال للحلاق ممكن جوالك جوالي نسيته بالســـــــيارة
و عندي مكالمة ضرورية عطاه الحلاق الجوال دق على رقم و مارد عطاني الجـــوال
و قال شكرا الرجل ما رد
يقول الحلاق خلصت من حلاقة الرجل وقلت له نعيما قال الله ينعم عليك كم الحسـاب
قلت له 15 ريال عطاني عشرين ريال و قال خل الباقي على شانك قلت في نفسي من
شفتك داخل قلت و الله جنتلمان
عموما الرجل طلع من المحل و ركب سيارته في هذه اللحظة دق جوالي رديت قــــلت
يمكن زبون قال فيه احد دق على هذا الجوال قبل ربع ساعة قلت إيه فيه واحد كان يحلق
عندي و دق عليك بس لحظه ألحقه أخليه يكلمك أشرت لزبون فتح نافذة السيارة قلت له
آسف هذا اللي دقيت عليه رجع و دق على جوالي خذ و كلمه أخذ الزبون جوالي طبعا
السيارة مشغلها و المكيف شغال بس باقي شيء واحد تدرون وش اللي بقى .......
ان الزبون يكبس على البنزين و يهرب بالجوال طلع النصاب مكلم على جــــواله اللي
تاركه بالسيارة و يوم طلع دق من جواله على جوال الحلاق وهكذا بكل سهوله سرق جوال الحلاق .
عملها زلمتنا الجنتلمان بالحلاق المسكين