شفتا بتمخطر حالا
شفتا بتمخطر حالا
يلبقلا وعم يحلالا
وجها قمرة بتضوّي
وشمس عيونا تتلالى.
**
ردنا نحاكيها بسرور
ردّتْ والبسمة بغرور
وكاكتنا لاكن بالزّور
عم بتغنّي عالالا!
**
الحلوة شعراتا بتلوح
وخدودا وردو مفتوح
وعبوابا قلبي مشلوح
تركتْ الدنية كرمالا!
**
شو هالطلّه قوليلي
وعن سرها شوّي حكيلي
منها مجروح بليلي
وبنهاري ومو عالبالا!
**
لو كلمه وحده ردّي
دخل عيونك لا تصدّي
بدّي وحياتك بدّي
روحي حبّك رسمالا!
**
حاده تتغاوي واللهْ
إنتي حلوة حقّ أللهْ
جودي بنغماتك ياللّهْ
وزيدينا من موّالا!
**
عزري إنّي بحبّ الكوس
وسحر نهودك هالمحبوس
ما ردّتْ صرتو مفطوس
وزادتْ غنجا و دلالا!
**
قلتلها روحي روحي
حاجه تزيدي فجروحي
بسرّكْ ما عم بتبوحي
وغمزاتك تفضح حالا!
***