قي نقول مكان الخنجر يطيب بلي مكان الكلمة مو يطيب !!!
أسمعوني ليش نقول هادا المثل !!
أبوي رحمه الله ورحم أمواتكم حكالي هاي القصة من زمان وحبيت اليوم أسمعكن هي وليش ينقال هادا المثل :
يقولك مرة من المرات تصادق أنسان مع أسد وصاروا متل الأخوة وكل واحد يساعد التاني بقدر المستطاع مرت شهور وأعوام وهني عايشين مع بعض بفرح وسلام .. مرض الأسد مرة مرض شديد وبلش جسمه يعفن ويجرب والأنسان لما شاف منظر الأسد وهاي الرائحة الكريهة ياللي عم تطلع من جسم الأسد صار يبتعد من الأسد وماعاد يقرب صوبه .. الأسد لاحظ هادا الشي من الأنسان وقالوا ياصديقي أنا عطشان ومافيني أقوم أشرب أرجوك هاتلي شوي مي أشرب قام الأنسان جاب سطل مي وحطوا بعيد من الأسد أربعة أمتار والأسد المسكين مافيه يتحرك لحتى يقوم ويشرب قالوا : أرجوك قربلي سطل المي بدي أنقع حلقي راح أموت من العطش الأنسان أتطلع في الأسد وقال : إيعععععق رائحتك كريهة وعم تقتل أشلون راح أقرب عليك !!! ماراح نطول القصة مرت شهور والأسد تعافى وشفي ورجع أحسن من الأول .. في يوم وهني قاعدين على الأكل الأسد قال للأنسان : في فوق الرف خنجر روح جيبو وتعال .. الأنسان جاب الخنجر وقال للأسد شو بدك تعمل بالخنجر ؟؟ الأسد قال خد الخنجر وأضربه بقد ماتقدر بقوة في راسي .. الأنسان قال لايمكن ياصديقي أضربك خنجر أشلون راح أضربك ؟؟ الأسد قال : عم بقولك أضربني الخنجر وإذا ماضربتني هوي راح آكلك .. الأنسان ضل في حيرة أخيرا رفع الخنجر وبكل قوته ضربه في رأس الأسد وسحب الخنجر ولما سحب الخنجر من راس الأسد الدم متل الحنفيه رش وغمي على الأسد ... بعد شهور تعافى الأسد وفي يوم هني قاعدين قال الأسد للأنسان : أريد منك تحط أيدك مكان الخنجر وتشوف أشلون صار .. الأنسان حط أيدو على راس الأسد ماشاف مكان الجرح .. قال ماعم بشوف مكان الجرح لأن الحمد لله تعافيت وماضل مكانه يبين أبدا .. الأسد قال : بعرف ماراح تشوف مكان الخنجر لأن مكان الجرح يطيب بس تتذكر قبل خمس سنوت لما مرضت وطلبت منك نقطة مي أشرب وأنقع حلقي وأنت قلت إيععععق أشلون راح أقرب عليك وأنت هيك رائحتك عفنة .. هاك الكلمة مكانها لايمكن يطيب للموت أنتن البشر ماألكن أمان وهجم على الأنسان ومزقه تمزيق وأكله !!!
وتوتة توتة خلصت الحتوتة !!
أتمنى تكون القصة نالت إعجابكم
تقديري ومحبتي
الياس زاديكه