عرض مشاركة واحدة
  #145  
قديم 07-09-2007, 09:48 PM
الصورة الرمزية georgette
georgette georgette غير متواجد حالياً
Super Moderator
 
تاريخ التسجيل: Jun 2005
الدولة: swizerland
المشاركات: 12,479
افتراضي


عنبية - الأخوين رحباني
هاي
عنبية القمطة عنبية
من عشية لبستها الصبية
و غمزت الصبية عنبية
راحت عالمزارع و المزارع فيها الزهر والع بالمزارع
من حقلة الزنبق نقت قمر أزرق و شكتو بالقمطة العنبية
أوف أوف أوف
وقفت عالمفارق و المفارق فيها الهوا مارق عالمفارق
و قالت له بإيدي كتبت القصيدة بأوراق المحبة و بعينيي
أوف أوف أوف
مرخيي الجدايل و الجدايل و يا لون السنابل عالجدايل
و اللي علموكي عالغوى ربوكي و زرعوكي وردة على ميي


دبكة دوارة - الأخوين رحباني
أوف يابا أوف
دوارة عالدوارة دار الحكي
هجروا الأحبا الحارة ليش البكي
دوارة دورتيني سهل و جبل
تحت الندي نسيتيني و بالي انشغل
ما سألتي ما ذكرتيني و غيرك سأل
و إنهدت الياسمينة و علقا تكي
دوارة علي داير صبح و مسا
و بفية الضفاير عمره انتسى
و قاسي يا هوى صاير ليش القسى
صبية شعرا طاير و ملبكى
دوارة علي قاصد يقطف حبق
و بأيام الحصايد قلبو أحترق
قالت لي شفتك قاعد تكتب ورق
قلتلها القصايد كلن لكي


نسم علينا الهوا - الأخوين رحباني
نسم علينا الهوا من مفرق الوادي
يا هوا دخل الهوا خدني على بلادي
يا هوا يا هوا يللي طاير بالهوا
في منتورة طاقة و صورة خدني لعندن يا هوا
فزعانة يا قلبي أكبر بهالغربة ما تعرفني بلادي
خدني خدني خدني على بلادي
شو بنا شو بنا يا حبيبي شو بنا؟
كنت و كنا تضلو عنا و افترقنا شو بنا
و بعدا الشمس بتبكي عالباب و ما تحكي يحكي هوا بلادي
خدني خدني خدني على بلادي


اطلعي يا عروسة - الأخوين رحباني
اطلعي يا عروسة عالكرم نقي العنب
و طلعت العروسة من الكرم طار العنب
و طلعت العروسة تنقي تين
ضحك لها الناطور و قلبو حزين
و لوحت بعيونو لفته مليانه عتب
و ضاع بهالبراري و انبح صوت القصب
و طلعت العروسة تنقي عريس
رماها الهوي و نقاها العريس
لبست الأساور والطرحة كلا قصب
رقصت العروسة و ضحك رنين الدهب


يللا تنام ريما - الأخوين رحباني
يللا تنام ريما يللا يجيها النوم
يللا تحب الصلاة يللا تحب الصوم
يللا تجيها العوافي كل يوم بيوم
يللا تنام يللا تنام لادبحلا طير الحمام
روح يا حمام لا تصدق بضحك عا ريما تتنام
ريما ريما الحندقا شعرك أشقر و منقى
و اللي حبك بيبوسك اللي بغضك شو بيترقى
يا بياع العنب و العنابية قولو لأمي قولو لبيي
خطفوني الغجر من تحت خيمة مجدليي
و التشتشي التشتشي و الخوخ تحت المشمشي
و كل ما هب الهوا لأقطف لريما مشمشي
هاي و هاي و هاي لينا دستك لكنك عيرينا
تنغسل تياب ريما و ننشرهن عاليسمينا


طيري يا طيارة - الأخوين رحباني
طيري يا طيارة طيري يا ورق و خيطان
بدي ارجع بنت صغيرة على سطح الجيران
علي فوق سطوح بعاد عالنسمة الخجولة
أخدوني معهن الأولاد و ردوا لي الطفولة
ضحكات الصبيان و غناني زمان
ردت لي كتبي و مدرستي و العمر اللي كان
و ينساني الزمان على سطح الجيران
لو فينا نهرب و نطير مع هالورق الطاير
تا نكبر بعد بكير شو صاير شو صاير
يا زهر الرمان ميل بهالبستان
تيتسلوا صغار الأرض و يحلو الزمان
و ينساني الزمان على سطح الجيران


يا عاقد الحاجبين - بشارة الخوري
يا عاقد الحاجبين على الجبين اللجين
إن كنت تقصد قتلي قتلتني مرتين
تمر قفز غزالٍ بين الرصيف و بيني
و ما نصبت شباكي و لا أذنت لعيني
تبدو كأن تراني و ملؤ عينك عيني
و مثل فعلك فعلي ويلي من الأحمقين
مولاي لم تبق مني حياً سوى رمقين
أخاف تدعو القوافي عليك في المشرقين


تك تك تك يام سليمان - الأخوين رحباني
تك تك تك يام سليمان
تك تك تك جوزك وين كان
تك تك تك كان بالحقلة
عم يقطف خوخ و رمان
يا ستي يا ست بدور
شوفي القمر كيف بيدور
و الناطورة بدا شمس
و الشمس بعقد المرجان
عمي يا عم الحطاب
خلينا نلعب عالباب
و الجارة بدا قمحة
و القمحة عند الطحان
يا جدي يا جد التلج
لحيتك غطت عالمرج
و الهوا بدو خيمة
و الخيمة بدا خيطان
وينني الجمال يحني بالقنطرة
شو طعميناهن قمح و درة
شو سقاينهن ميي معطرة
يا عمي الغراب جوزني بنتك


قمره يا قمره - الأخوين رحباني
قمره يا قمره لا تطلعي عالشجرة
و الشجرة عالية و أنتي بعدك زغيرة يا يا قمره
و الشجرة عالية ما بتطالا الأيد
و كيف بتمشي حافية و فستانك جديد
بتقومي تتجرحي و بيصير بدك تستحي
إن شفتي حالك مغيرة عحبيبك يا قمره
بدك لحبيبك تقطفي قمر
راح يوصل حبيبك بكره من السفر
و جيرانك يحكو معو كيف الصبايا اتجمعوا
لما كنتي بالشجرة و صرتي تغني يا قمره
حبيبك وصاكي تتضلي بالبيت
و مين ما حاكاكي ما تتركي البيت
ما بدو تشوفي حدا و لا تردي عا حدا
و كل البواب مسكرة هيك الهوى يا قمره


يا جبل اللي بعيد/ بعدو الحبايب - الأخوين رحباني
يا جبل اللي بعيد خلفك حبايبنا
بتموج متل العيد و همك متعبنا
إشتقنا عالمواعيد بكينا تعذبنا
يا جبل اللي بعيد قول لحبايبنا
بعدو الحبايب بيعدو بعدو الحبايب
عجبل عالي بيعدو و القلب دايب
بعدو الحبايب بيعدو بيعدو
و سألت باب الدار وين الناس و أهل الدار
قالي الهجر غدار تركوا البيت طفيوا النار
شوفي الموائد رمدوا رمدوا رمدوا
دبلو الزهور و بين هالسجرات في طيرين
عم يسألو لوين هالأصحاب راحو لوين
و ع ليالي حلوي اتنهدوا اتنهدوا اتنهدوا
قلتلهم يا مين عالحلوين يسأل مين
ما تذكروا و تخمين صارو هيك غدارين
مع غيرنا رح يسعدوا يسعدوا يسعدوا


حبيبي بدو القمر - الأخوين رحباني
حبيبي بدو القمر و القمر بعيد
و السما عالية ما بتطالا الأيد
طلعت على السطح دلو علي الناس
قالوا مدري شو بها و خبروا الحراس
قلتلن بدي القمر قالوا القمر غالي
حقو عشر ليالي عشر ليالي سهر
و إلي عشر ليالي عالسطح سهرانه
و حاسة بحالي تعبانه و نعسانه
خايفة لأنام و ينزل القمر
و يلاقيني غافية و تسرقو جارتنا يللي مزاعلتنا
و تعطيه لحبيبي و يحبا حبيبي و أنا صير غريبة


ضحك اللوز -الأخوين رحباني
ضحك اللوز و خلص اللوز و حبيبي ما لفي
ولع الصيف و دبل الصيف و حبيبي ما لفي حبيبي حبيبي
وحدي أنا و الحيرة و التعب و الغنية
لفحتني نار الغيرة و الريح الجبلية
و يقلي منتلاقى أنت وأنا نتلاقى
نتلاقى تحت اللوز
الورق الأصفر طاير عالطرقات المهجورة
و الناطر بعدو ناطر و الصبية مقهورة
بعيونك خبيني قبل الشتي خبيني
خبيني تحت اللوز


يدور الدوري - الأخوين رحباني
يدور الدوري و يحاكي يحاكي المنتور
المنتور العشباكي و شباكي يدور
بعدو الأسمر ناطرنا ناطرنا بعيد
بعيد و تغوأ قناطرنا ناطرنا عيد
تلوعنا و تحسرنا و هالشوق يزيد
و بعتنا و ما قصرنا محبه و زهور
قلي إن كان بعدك فايق عالعين
العين اللي نبعا رايق رايق يا عين
و تحكي و شو حكيك عايق حكيوا القلبين
حكينا بخمس دقايق عن خمس شهور
أهل الحلى عم يسألوا عنا
مرقوا قطفوا ورد من عنا
و كل يوم بيبعتوا مرسال
بلكي منرجع متل ما كنا
ميل عالبيت العالي عالي عدراج
دراج تظنرها دوالي و دوالي سياج
غالي عا قلبي غالي و يا قلبي حاجي
عمرلك عالعلالي علالي و قصور


يا عود - الأخوين رحباني
يا عود يا رفيق السهر يا عود
متكي على المخمل بتتوجع
و تروح عا آخر دنيي و ترجع
تكتب و تمحي حدود يا عود
إحكيلي عاسهريات
بقصور كلها رخام و نوافير
و تشعشع الكاسات
عخصور تتلوى و حرير يطير
بحيرات مي و نار
و صوتك يشتي قمار
يشتي حلا غيم و زنابق سود يا عود


سمرا يا ام عيون وساع - الأخوين رحباني
سمرا يام عيون وساع و التنورة النيليي
مطرح ضيق ما بيساع رح حطك بعينيي
يا عيني عهالعينين العا دنية ورد انفتحوا
و كيف ما التفتوا عالميلين قلوب قلوب بينفتحوا
في نجم بلفتاتك ضاع حكيت عنك غنيي
و سحرك يللي ما بينباع مبكي الوردة الجوريي
لم بتكوني حدي بشوف الدنيي مزارع ورد و فل
جوانح تعباني و رفوف بساتين تزقزق و تطل
و لما الأسرار بتنزاع و بزعل من شي خبريي
بتقوليلي ارجع ارجع و مدري شو بيصير فيي
جلسي لنا و عالحب مجتمعين و تنيننا عالمقعد مجانين
وك قربي صوبي تنحكي شوي عيونك و قلبي و سر هالحلوين
مبارح كانت عم بتقول عصفورة لإختا بالسر
شالك يا سمرا مغزول من لون الزهر المخضر
خليني بعينيك شراع قاصد مينا منسيي
و إن شي مرة الزنبق شاع خبيلي منو شوي


يا ام العين الكحلى - الأخوين رحباني
هي يا ام العين الكحلى المنحب غنانيها
كنت بهاك الغرة أحلى و حياتك رديها
غرة و يا عيوني شو غرة عا جبينا تلوح
عم بترفرف متل الزهرة و للنسمة تبوح
و شريطة خضرا ... يوه
و ارقص يا شعرا ... هي
ما كانت أحلى ... ايه والله
الدنيي تضحكلا ... ايه و الله
تعو تا نقلا يللا يللا
و كانوا تحت الغرة عيونا غمزات حلوين
و الغرة ترفرف عجفونا و ترش تلوين
و قلوب تتطلع ... يوه
عالشعر اليلمع ... هي
ما كانت أحلى ... ايه و الله
الدنيي تضحكلا ... ايه و الله
تعو تا نقلا يللا يللا


صار لو زمان الحلو - الأخوين رحباني
صار لو زمان الحلو ما بان صار لو زمان
يمكن حدا زعلو و عتبان صار لو زمان
باعت رسول الحلو بيقول مع هالرسول
إنو الهوى بدلو عا طول ناسي عا طول
مين خلاك تدلل علينا؟
مين نساك دمعات عينينا؟
هيك الأمل يا حلو عتبان ناسي الحنان
ريت الجفا يا حلو ما كان ريتو ما كان


بعدا الليالي - الأخوين رحباني
بعدا الليالي ليالي بعدا الدوالي بالحما دوالي
بعدا الجمليي جميليي تومي لنا عن سطح بيتا العالي
قال يا جنا عا تلال و قال يا حكي عن جمال
يا ظلال الشجر عاطريق السهر يا حنين السؤال
بعدا الليالي هنيي بعدا عيونك عالهوى وفيي
إنتو سمانا حمانا إنتو الدنيي و السما النديي
غيب شو إلك يا رقيب و غيب عن طريق الحبيب
قصدنا منزلو هالحلو هالحلو هالبعيد القريب


يا ترى نسينا - الأخوين رحباني
يا ترى نسينا قمر ليالينا
يا ترى نسينا مخابيه في دوالينا
يا ترى جفانا و ما ذكر هوانا
و ثمر الورود البيض بملهانا
وردة على شباك مزروعة بتنام عالنهدات
نجمي عادرب الليل موجوعة بتقول للتلات
قمر ليالينا يا ترى نسينا
و الهوى جنا الأحلام عم يدعينا


سمعنا - الأخوين رحباني
سمعنا سمعنا شو شو سمعنا
سمعنا حكي ما في إلو معنى
سمعنا بإنو عهدنا تغير
و ما عاد رح يحكي الحلو معنا
قصة زعل عم تنحكى و تنقال
و يتغامزوا عا حكيها العزال
ما عاد بدو يزورنا و شو قال
قال الهوى ما عاد يجمعنا
شو يا حلو زعلان منا كيف
و منعرفو قلبك وفي و نضيف
و مادام ما في بيننا تكليف
عالقليلي امرق و ودعنا
صرنا غرب نحنا اللي كنا قراب
و أحباب ما في متلنا أحباب
لعيونك قطفنا زهور الغاب
و بوابنا للحب شرعنا
بكرا بترضى و الهنا بيتم
و بترجع تقطف ورد و تشم
لولا زعلت و رجعت شو بيهم
نحنا زعلنا كتير و رجعنا


بكرا بيجي نيسان - الأخوين رحباني
بكرا بيجي نيسان يسألنا
و بيرش وردو عا منازلنا
منخبرو شو صار منسمعو الأشعار
يللي كنت فيها تغازلنا
بكرا بيجي نيسان يغوينا
و يموج زهورو بروابينا
منحكيلو عالي كان منسمعو الألحان
يللي كنت فيها تناجينا
ناطرين تلوح يا حلو و تبوح
و تسمع شكاويك للوردات
ناطرين نضيع عالدرب و تشيع
عن هوانا بهالدنيي حكايات
بكرا بيجي نيسان يسعدنا
و عاتلال أحلامو يبعدنا
منتيه شردانين عا دروب مخضرين
و أرض الهوى و الحب موعدنا


ريح الشمالي - الأخوين رحباني
ريح الشمالي يا نسيم بلادنا
يا حسرتي عالشيلوا ميلوا
و دموع عيني عالفراق بينزلوا
أوف قالوا جميع الناس حبابك بادلوا
قلت حاشا أن يوافوا غيرنا
أنا في ضيعة الينبوع جاري
و رفيق الحقل و البستان جاري
ارجعوا يا هاجرين الدهر جاري
و شمس العمر مالت عالغياب
يا بوي و شمس العمر مالت عالغياب


يا ربعنا - الأخوين رحباني
يا رايحين مشرق لا تطولون الغيبة
و بلاك يا محبوبي هالدار ما لو هيبة
حط الشمال بوجهك يا زين لا تنساني
و قلبي بلون عقالك أسود من القطران
يا ربعنا العالي الصروح في عيشتك عز و هنا
و المجد في أرضك يلوح يا ربعنا يا ربعنا
يا بنت يللي عالسطوح طلي و شوفي خيولنا
و العز ما عمرو يروح عن ربعنا و سهولنا
يا مهرة الخلف الجبل خيل العدا ما تطالها
تخطر و راعيها البطل جالس يغني قبالها
يوم المفاخر ديرتك لحن الهبة موالها
يا رب تكبر مهرتك تكبر و أني خيالها
ريح الشمالي زوري الغوالي
و قلن عابالي طيف محبوبي
بقعد لحالي أذكر ليالي
يوم الحكالي و تاه عادروبي


ما احلى الرجعة بكير - الأخوين رحباني
ما أحلى الرجعة بكير و الدنيي رفوف عصافبر
هالدرب اللي منعرفها شو إلنا عليها مشاوير
هلق عالضيعة منطل و منشوف سطوحها القرميد
و الدوري يكرج و يغل معشش عالشبالك جديد
و يا نسيم أخطر و هل بيت الحلوي منو بعيد
سهرة عندا و ما منفل تترف اليليي و تطيب
يا ريت نحنا سهرانين و عتم و تلج يغطي حقول
و أنا و إنتي منسيين و خبيك بقلبي عاطول
و يدقوا يدقوا الحلوين عاقلبي و قلن مشغول
روحوا نحنا تعبانين حبينا و بعدنا كتير


كرمالك - الأخوين رحباني
أنا عا دنيتك عصفور لافي
على لحن الهوى و الحب غافي
غاطط حد شباكك يغني
حتى تطل و يقلك عوافي
كرمالك كرمال عيونك
كرمال الفي و الدار و العشرة
كرمالك عا ظل غصونك
هالعين تسوح و اسأل يا عمري
طلينا عا ربوع ديارك
شو لون شو غيم شو كروم عم تلمع
طلينا و لقينا دارك
مفتوح عا كل هالخير و مشرع
بيلوح ربعك ببالي
و سطوح ملياني دوالي
و القلب يحن و الشوق يجن
و عالبال تعن هاك الليالي


مغرور قلبي - الأخوين رحباني
مغرور قلبي كيف بدي فهمو
إنو الهوى بيعزبو بيندمو
لا كان يتعلم من ليالي البكي
و لا كانت جروحو القديمي تعلمو
ضجرت خصور الورد من لم الندي
و الطير وعى الزنبقة البيضا و هدي
و إنتا يا ضايع أيمتي رح تهتدى
دار الحكي و الناس عم يتلوموا
مشيتني عادرب وعرة بالضباب
و تهنا ورا عينيك بيجيبوا العذاب
و ياما لحقنا الريح ياما عا كلمة عتاب
و ياما نطرنا و يمرقوا و ما يسلموا
تاريك مش وحدك تنينتنا سوى مجانين
مقهورين طيرنا الهوا
و مش رايدين ناخد لهالعلة دوا
العزوقنا منحللو و منحرمو


يا قمر على دارتنا - الأخوين رحباني
يا قمر على دارتنا يا حكاية سهرتنا يللي فتنتنا حلوة يا جارتنا
يا قمر على دارتنا عتلالك ليلتنا رقصة حملتنا و صوبك أخدتنا
شفناك ميلنا بهالليل و سألنا
تاريك حاببنا و ما بتقول شو زعلنا
و القمر على دارتنا حكاياتو بسهرتنا رقصة حملتنا و صوبو أخدتنا


يا هلا يا حبيبي - الأخوين رحباني
يا هلا يا هلا يا حبيبي
بالوفا بالصفا بربيع انتلا يا هلا
يا هلا يا هلا يا رفيقي
يا هني عالدني يا صباح انجلا يا هلا
غنى الحب و مال و ارتاحوا الأظلال
و ضاعوا التنهيدات عالوردات موال
يا هلا يا هلا يا أليفي
يا جنا لي أنا من كروم الحلا يا هلا
بيتنا انجلا و امتلا بالحلا و بيقول با هلا


غالي الدهب - الأخوين رحباني
غالي الدهب غالي و ضحكت عناقيدو
عالي الورد عالي و شو طالع بإيدو
غالي الدهب غالي و عالي الورد عالي
و يا حبيبي يا حبيبي يا دهب الغالي
ما سألتو علينا عتبنا كتير
و عا قد المحبة العتب كبير
يا أهل الدلال يا ساكنين البال
قلبي ع بواب الحبايب ضيع مواعيدو
فستان و إسوارة و عقد جديد
و الحلق الفضة ليوم العيد
يرجع لي الزمان و الهوى اللي كان
و يا حبيبي يا حبيبي عهد اللنا نعيدو


جلنار - ميشال طراد
يا صبح روج طولت ليلك خليت قلبي نار
بلكي بتجي أختك تغنيلك بلكي بتجي جلنار
صرخات عم بتموج بالوادي معنزق عليها ضباب
لبعيد عم بتروح و تنادي بيظهر حبيبو غاب
راعي بكي و منجيرتو متلو بكيت تيتسلى
شو قولوكن عالسكت قالتلو شو قولكن قلا
خليك حدي تيروق الجو و رندح و سمعني
و لمن بيطلعلك يا راعي الضو تبقى تودعني
وقفت قلبي عالدرب ناطور تفاق ألف نهار
ووعيت الشمس و زقزق العصفور و ما إجت جلنار


أنا و سهرانة - الأخوين رحباني
أنا و سهرانة وحدي بالبيت
على السكيت و متل الضجرانة
مشية قريبة طقت عالدرب
قلت يا قلب جايي حبيبي
قمت و ضويت زحت البرداية
تيشوفا الجايي و شعشعت البيت
رتبت المزهرية هييت قلوب السكر
حطيت الشال عليي و لبست العقد الأحمر
و نطرت الباب تالباب يدق
و القلب يدق و ما دق الباب
و المشية بعدت بعدت بالليل
محاها الليل بعدت و بعدت
أنا سهرانة و طفيت الضو
و طلع الضو أنا و سهرانة


أمي يا ملاكي - الأخوين رحباني
أمي يا ملاكي يا حبي الباقي الى الأبد
و لا تزل يداك أرجوحتي و لا أزل ولد
يرنو إلى شهر و ينطوي ربيع
أمي و أنت زهر في عطره أضيع
و إذ أقول أمي أفتن بي أطير
يرف فوق همي جناح عندليب
أمي يا نبض قلبي نداي إن وجعت
و قبلتي و حبي أمي إن ولعت
عيناكِ ما عيناكِ أجمل ما كوكب في الجلد
أمي يا ملاكي يا حبي الباقي إلى الأبد


يا حبيبي كلما هب الهوى - الأخوين رحباني
يا حبيبي كلما هب الهوى و شدا البلبل نجوى حبه
لفني الوجد و أضناني الهوى كفراش ليس يدري ما به
صغ لقلبي يا حبيبي حلما من سنا الصبح و غدو الغلس
لمني من وحشة العمر كما لمت النسمة عطر النرجس
يا زمان الحب هل رجع الى عهدنا و الروض زهر يبسم
ننهب الفرصة و الليل حلا بالأغاني و دعانا الموسم
يوم جئناه فأبدا سقم و تهادى بحرير الملبس
أشرقت عيناه سحراً مثلما يشرق الصبح بيومٍ مشمس


غيبي و لا تغيبي - الأخوين رحباني
غيبي و لا تغيبي يا نجمة كفرغار
يا قمر حبيبي زهرة عباب الدار
غيبي و لا تغيبي يا جارتنا الغريبة
يا بعيدة يا قريبة يا نجمة كفرغار
نامي و لا تنامي يا زغيرة الربيع
نامي بالسلامة قبل الدني ما تضيع
نامي و لا تنامي عا مخدة السلامة
عجوانح الحمامة يا زغيرة الربيع
طلي و اندهيني بالليلة الطويلة
و تمرق عالهنا و الضنا و الساعات الجميلة


الأوضة المنسية - الأخوين رحباني
ليل و أوضة منسية و سلم داير مندار
عليت فينا العلية و دارت بالسهرة الدار
و العلية مشتاقة عا حب و هم جديد
فيها طاقة و الطاقة مفتوحة للتنهيد
وضوية البيوت تنوس فانوس يسهر فانوس
و انت بقلبي محروس بزهر الحرقة و النار
يا ريت الدنيي بتزغر و بتوقف الأيام
هالأوضة وحدا بتسهر و بيوت الأرض تنام
و تحت قناديل الياسمين انت و انا مخبايين
نحكي قصص حلوين و لا مين يدري شو صار
يا أوضة زغيرة زغيرة فيها الحب تلاقيت
أوسع من دنيي كبيرة و أغلى من ميت بيت
تعبانة و بدي حاكيك حاكيني الله يخليك
نقلني عا شبابيك الليل و عسطوح الدار


شال - سعيد عقل
مرخى على الشعر شال لرندلي
هلا هلا به بها بالجمال
من يا حباب الكؤوس من جملك
من فصلك حلواً كحلم العروس
لم ثنية تشتكي ثم تغيب
هم يا حبيب بلوني الليلكي
هم لا تقرب يدا هم بالنظر
أبقي الأثر ما لم يزل موصدا
يا طيب شال تلم عنه النجوم
و بي هموم لأن يرى أو يشم
قيض لي موعد في ظل شال
ترى الخيال سكنى و مستنجد
ما لي سألت الزهر عن منزلي
فقيل لي هناك خلف القمر


يارا - سعيد عقل
يارا
يارا الجدايلها شقر
الفيهن بيتمرجح عمر
و كل نجمة تبوح بسرارا ... يارا
يارا الغفى عا زندا خيا الزغير
و ضلت تغني و الدني حدا تطير
و الرياح تدوزن وتارا ... يارا
الحلوي الحلوايي تعبو زنودا
و نتفي اصفروا خدودا
و بإيدا نعست الأسوارة
و لمن إجت يارا تحط خيا بالسرير
تصلي يا ربي صيرو خيي كبير
و للسما ديها هاك الدين الحرير
انلمت الشمس و عبت زوارا


يوم و يومين و جمعة - الأخوين رحباني
يوم و يومين و جمعة وشهر و شهرين
تعبت بعيني الدمعة وين غايب وين
شهر و شهرين و بعدك بعدك بتقول
تقول محافظ عا وعدك و الوعد يطول
و قلبي الناطر عابعدك بالو مشغول
مشغول و ليلو بعدك صاير ليلين
عالعالي طاروا و علوا جوز حساسين
حساسين و راحوا غلوا بعب الشربين
و يسأل وينن و نقلو راحوا الحلوين
الحلوين الكانوا يملوا من راس العين
زهر شباكك زهر شباكك فل
الفل العجبينك نور نور عالكل
و جينا لعندك تانسهر ما كنت تطل
و طل الشوق المسهر دمعات العين

بتشوف بكرا بتشوف - الأخوين رحباني
بحياة عينك يا ورد نيسان زهر على شباكن العشقان
و ان كان بدن يسألوا عنا جيران قلن بعدنا جيران
بتشوف بكرا بتشوف شو دارنا حلوي
عا مطل أخضر مكشوف و الشمس بتضوي
فراشات بتجينا رفوف و طيور تقصدنا ضيوف
و غصون ترقص و تغني بتشوف بكرا بتشوف
و انت تطل و انقلك أهلا و هيك تغل نسمي على مهلا
و عيونا ترف و تحكي و قلوبنا تبوح و تشكي
و مروج بالحب تطوف بتشوف بكرا بتشوف
فوق شو هم منعيش بجنة و شوق يلم نهدات و يغني
و عباب خضره محنيه عقباب متل العلية
و بورد سطحا مسقوف بتشوف بكرا بتشوف
و هاك الدني الغداره بتضل حليانة
فيها الهوى بيندار أحلام و غناني
و الحب فوق دواليها عناقيد حليانه فيها
و مافيش واحد مقطوف بتشوف بكرا بتشوف


ردي منديلك ردي - الأخوين رحباني
لما لمحتو طل صرت ملبكي
و عرفت قصدو و قلت بدو يشتكي
فتشت عا كلمة تإفتحلو حديث
وقفت و وقف و تنينا نسينا الحكي
و من يومها عم نلتقي و نقعد سوى
مدري الصدف بتسوقنا مدري الهوى
حلو بقى يفهم رح يهب الهوى
ضيعان ما بيخبروا انك ذكي
ردي منديلك ردي بيضا و الشمس حدي
بكرا بيجيي محبوبك و بيلاقيكي مسودي
ردي ردي الشمسية خليها ترف عليي
لما عيونك بتفيي وراق الزنبق بتندي
في لنا يا حب خيمة عالجبل
ناطرة تانزورها بليلة غزل
راكعة الغيمات عند بوابها
و تاركة النجمات عسطحا قبل
في لنا يا حب خيمة في لنا
و مزهرية و ورد أبيض عندنا
و وحدنا بهالجرد عحدود السما
نحنا و انت و باقة غناني هنا
يا حلوي اللي بيتك فوق
صوبك عم ياخدني الشوق
عم حاكيك بلطف و زوق
بحياتك لا تحتدي


أنا لحبيبي - الأخوين رحباني
أنا لحبيبي و حبيبي إلي
يا عصفورة بيضا لا بقى تسألي
لا يعتب حدا و لا يزعل حدا
أنا لحبيبي و حبيبي إلي
حبيبي ندهلي قلي الشتي راح
رجعت اليمامة زهر التفاح
و أنا على بابي الندي و الصباح
و بعيونك ربيعي نور و حلي
و ندهلي حبيبي جيت بلا سؤال
من نومي سرقني من راحة البال
أنا على دربو و دربو عالجمال
يا شمس المحبة حكايتنا أغزلي
__________________
بشيم آبو و آبرو روحو حايو قاديشو حا دالوهو شاريرو آمين
im Namen des Vaters
und des Sohnes
und des Heiligengeistes amen
بسم الآب والأبن والروح القدس إله واحد آمين
رد مع اقتباس