[alashoria]

اكشف أوراقك إليه انتهى ذاك الحلم
أني مادامي عرفتك أبوضعك ما أنصدم
هسه أريد أفتهم وضعك على كلشي انطيني فكره
لا تلف ولا تراوغ الحقيقة تكون مرة
بانى إلك صورة بخيال وهسه لازم تتهدم اكشف أوراقك إليه



ابالي كلشي مابقالك انته عايش بالغلط
قررت هسه النهاية وماكو عندي حل وسط
لا لاتظن ممكن أسامح ولدت عندي القناعة
عيشتني انته بخداعك أي عذر مآبي شفاعة
راح اخذ درس منك... راح اخذ درس منك من غرورك أفتهم اكشف أوراقك أوراقك إليه


أعرفت ببك الخداع والعبة الدور بمهارة البسة مية قناع وحطمتني بكل جدارة
ابتدئ يوم حمامي غدرك ودرب الخيانة ذبلت ورد الأماني وكلبك أتبدل حنانه
لازم ابعد عن طريقك.... لازم ابعد عن طريقك ومن ورودك ما أشم اكشف أوراقك إليه...........




قاسم السلطان

الروح الروح ... الروح الروح اتريدك انته
غالي ومحبوب منك ما أتوب إحساسي وبيدك أمنته
شاغلني ممرني ..... صدك
والله امدمرني.. .
انته عيوني وأحلى ظنوني من نظرة وكلبي أسرته....... أسرته

****
أول مرة شفتك بيها كلت انته تفرح أيامي...... أيامي
ما ادري اللوعات ألمنك تعذبني أتزيد اللامي.......اللامي
أهواك شما تجرح كلبي مقبولة أتضيع أحلامي
لأكن اذكر احدث مره يوم انته الكلبي أملته
****

ساحرني رمشك ساحرني تيهني وحير أفكاري
موجات الشعر الغجرية محسرني وزيدة ناري
عرفوا اهلك وعرفوا أهلي منعوني ومنعوك بوصلي
موبيدي اكتم انه أهواك يل نبضي بحبك علمته....
شاغلني ممرني ..... صدك
والله امدمرني .
انته عيوني وأحلى ظنوني من نظرة وكلبي أسرته
أسرته





عيوني بعيون السماء وابجي الدمع دم اليوم
واشكر ربي لكل ماصار أني ادعى أبكلب مهضوم
ادعى يصير ببك ألصار بيه واصرخ صرخة مدوية
دعوة صابـــــــــر ومظلوم.. دعوة صابـر ومظلوم.. دعوة صابـر ومظلوم...مظلوم
****

دعوة صابر ومظلوم ربي اليوم يسمعها
منى يأخذ انه هموم ولكلبك يرجعها
أتعيش بندم مثلي بركان ابألم يغلي
ياظالم انأ مظلوم وهاي أسبابي اجمعها

****
دعوة بشر شاف أسرار مثل ظلمك ابد ماشاف لا لا لاابد ماشاف
تحط جمره بوسط هنار من الله ابد متخاف
ادعيلك بعد أكثر يخزن جرحك ويكبر
ظل أجرع انته أسموم وواسي بروحك أقنعها

****
ادعيلك الم بالليل تتكله وتريد النوم تتكله وتريد النوم
وتصيح أبتعب ياويل ونهارك حزن وهموم ونهارك حزن وهموم
ما اسمع بعد لومك ظل أجرع أسمومك
لا تعاتب بعد لا تلوم وهاي أسمومك أجرعها





اسألي عنى الليالي شكد خطر طيفج أبالي لوتشوف الناس حالي
تبجي العاشكين
لاتطيلين السكوت الزمن خوفي يفوت السعادة ما تموت
لو أنتي تحجين
صرختي بليلي حزينة هزت أسوار المدينة
وينج انتى يلحنينة يانور العين
الربيع انتى والواني رمشج الساحر مكاني
صوتي واحساسى وزماني لا لا ترحلين
اقتربتى وكلتي همسه ..قررت أنساك هسه أنسى كل ألصار انسي
وأبقى حزين...وأبقى حزين
****

للهوى سلمت روحي يازمن يشفي جروحي
عيشي سر بكل وضوحي ياحب السنين
أنتي أغلى الناس عندي جنة خضرة وحلم وردي
من زمن صدكيني بودي يجمعنه الحنين
صدكيني بدمي أنتي حلم أيامي وغربتي والأمل ظل بغرفتي يسال أنتي وين
كم مرة كلتيلي ارحل كبل ما أحجي واسأل العذاب والحيرة اقبل
لو أنتي ترضين
دوري يا دنيانا دوري حطي حلمي وشعوري الحزن أصبح سروري
ياقدرلي وين .. ياقدرلي وين..ياقدرلي وين.......يــــــــاقدر