هكذا تعامل* الكنه *الحكيمة

[الياس زاديكه]

أعزائي .
كان في قديم الزمان عائلي كان عندن ولد صغير ، كان يلعب الولد وصل لجرة، كي معباي جبن ، حط الولد إيدو فالجرة راد يطيليع لقمة جبن ، الجبن كبيري كانت ماقدر يسحب إيدو من الجرة ، بلش يبكي ويصيح إجت العائلة كلتا ، بلشو يفتكرون أشطوف تيطيلعون إيد الولد ماوصلوا لحل الأب قال لازم نقطع إيدو بشان تطلع من الجرة ، كان عندن * كنيه * قالت بعدوا أنا تحاول أسحب إيد الولد ، قالت للولد
أفتح إيدك حبيبي فتح الولد إيدو الجبن وقعت سحبت إيدو طلعت ، قامو قالوا والله * كنتنا * كي عاقلة لازم نحطا مكان لا فالأرض أو لا فالسما ، قاموا جابولك حبل أوشدو فرقبتا أو علقوا فالهو ، المسكيني كوتختنق سما أنفتح أو سينا طلع أوهن كيفرحون كيقلون لبعض والله كنتنا من كتر ما.. مكانا طيبوي كوتفتح سما أو كوتضحك ، إلى هاك الكنيه المسكيني صارت زرنايي .

ألياس

[fouadzadieke]

والله يا أخي الياس فادي شاط عليا ومن كتر ما انقحرتو هما قلتو:

رادتْ هاك المسكينه --- منْ فزعاتا علّزغيرْ

تنقز إيدو ما تِنْقصْ --- كا عقلا راكزْ و?بيرْ

وقعتْ وقعه يا ستّارْ --- بين هوك المتل لحميرْ

قالوا كنّتنا لازم --- نعلّيلا القيمه وتطيرْ!

كنّه متلا أين يكونْ ؟--- فالدنيه متلا ميسيرْ!

يلاّ علّوا ميزينا --- منْ علأرظ كتيرْ كتيرْ!

خلّوا راصا يعلا فوق --- والمسكينه أشْ تعتيرْ!

سينا اتطّوطحْ برّا السمّ --- وعينا غارتْ فالت?ويرْ

هيّ تبكي عرّوحا --- وهنّه زحكنْ حيرْ وحيرْ

الله يرحم هالكنّه --- ويطمرْ زوجا جوّا البيرْ

ولا يخلّي بيت الإحمة --- ويتمّ زغيرنْ وال?يرْ!