أطرف حديث بين زوجين

[athro]

أطرف حديث هاتفي بين زوجين
من العادات الشرقيه البحته

رابي بالشغل ووصل لينصرف ......فجأه برن التليفون بيرفع السماعه والا .....صوت مرتو
الزوجة : مرحبا رابي..
رابي بعد ما عرفا من صوتا.. بفتور: اهلا..
الزوجه: انت وجايي عالبيت يا ريت تجيب معك بقدونس وبندوره وبصل أخضر من عند التركي... يلي بنجيب من عندو كل مره_ البندوره نقيها وحده ...وحده ..حاكم بعرفك يمكن تجيب نصهن خربانين
رابي: طيب

الزوجة:شومالك..
رابي: ولا شي

الزوجة: وجيبلنا معك شوية حلويات من عند ملكي لأن بيستوردهن من سوريا وطعمهن كتير ممتاز وبالسمن العربي

رابي: طيب
الزوجة: اوعى تروح وتجيب من محل تاني.. انا ما بحب الا حلويات ملكي
رابي: حاضر يا ستي

الزوجة: وتمر على ميترو تجيبلنا لحمة عجل حمرا تكون شقفه وحده لحتى نعمل عليها (دوبو) وشوية لحمه مفرومه ..

رابي: اوكي
الزوجة: شو يا ....كأنك مليت من كلامي وما ضل غير تسكر الخط بوشي..
رابي: ابدا.. تفضلي.
الزوجة: طالما رايح عالميترو ياريت تجيبلنا معك شي أربع كيلوات سمك
رابي: فهمت
الزوجة: شو هاد... فهمت...فهمت؟
رابي: ليش انتي لسه ما خلصتي؟
الزوجة: لا.. ...
رابي: ماشي شو كمان..
الزوجة: بس سمك قشري من النوع يلي ما فيه حسك كتير ..
رابي: ايوا أوامر تانيه..
الزوجة: شو!!!... حضرتك بتنكت.. .
رابي: يا ستي والله ما عمنكت ...ضل شي تاني؟؟؟
الزوجة: شو قصتك يا سيد رابي كل ما حكيت معك بتجاوب أجوبة قصيرة كأنك ما بتحب تسمع صوتي.
رابي: لا أبدا.. بس انا في الشغل..
الزوجة: اللي بسمعك بقول الشغل مقطع بعضو
رابي: يا ستي.. انا مشغول.. والله مشغول.. شو قصتِك اليوم.. حلي عني.
الزوجة: ما بدي حل عنك..
رابي:ماشي متل ما بدِك..
الزوجة: طيب حسن الفاظك.. ولا تنس الأغراض.

وتغلق الزوجة التلفون..

اثرو