كل واحد يحط نكته

[Fadi]

حلو ... و هاي كمان نكتة من عندي ، قديمة شوي بس حلوة ..

الأول : كيفك يا زلمة بعد زماااان وكيفو ابوك انشالله تحسن سنين ما شفتك .
التاني : انا ماشي حالي الحمد لله بس الوالد عطاك عمرو .
الأول : له له له العمر إلك بعرف كان عندو القلب يالله الله يرحمو .
التاني : بس والله ما مات من القلب .
الأول : كيف توفى لكان ؟
التاني : الله يرحمو بآخر فترة ضعف نظرو كتير مرة طلع عالبلكون ما شاف الحفة وقع وبتعرف بيتنا تالت طابق .
الأول : له له على هالموتة ، بكل الأحوال الله يرحمو .
التاني : والله تعذبنا فيه كتير وعملنالو شي 12 عملية لتحسن .
الأول : لكان كيف توفى ؟
التاني : صار يحمل عكازة ومرة عم يقطع الطريق سيارة مسرعة خبطتو .
الأول : له له له يا لطيف الله يرحمو .
التاني : بس ربك رحيم كان فيه جار إلنا حطو بالسيارة ولحقو عالمستشفى بس النزيف الداخلي كان رهيب .
الأول : الله يرحمو بكل الأحوال .
التاني : بس سفرناه على اسبانيا وضلينا شي 6 أشهر عم نعالج فيه والحمد لله تحسن .
الأول : طيب لكان كيف مات ؟
التاني : صار معو كسل كلوي حاد وصرنا ندور على متبرع كلية وتأخرنا وصار معو تسمم .
الأول : الله يرحمو ارتاح .
التاني : بس بالصدفة إجا شخص بيعرفو من زمان تبرعلو بالكلوة بآآآآآآآآخر نفس .
الأول : لكان كيف مات ؟ ؟ ؟
التاني :والله مرة هو قاعد بالبيت ما انتبه عالغاز احترقت الشقة وهو لحالو فيها .
الأول : يالطيف على هالموتة ما أبشعها الله يرحمو ....
التاني : بس والله جارنا الله يجزي الخير كسر باب البيت ولحق طالعو بآآآآآآآآخر لحظة .
الأول : لك فهمنا لكان كيف مات ؟ ؟ ؟ ؟
التاني : والله اضطرينا بالأخير نقوصوا قواص ...................