Arabic keyboard |
#1
|
||||
|
||||
قصيدة للعراق الجريح...
من روائع الشاعر ( عباس جيجان ) للعراق قصيدة للشاعر العراقي عباس جيجان عجبتني فنقلتها البارحة شفت الوطن باللطيف اجاني البارحه .. كتله هلا ومية هلا يابو الخيول الجامحه .. مديت ايدي تسالمه شفت القلب قبل الجفوف يصافحه .... شلونك قلت ياموطني وظنوني ظلت سارحه .. وانقطع وسطي من الخجل من الخجل وعيوني ظلت شابحه .. قال اطمأن ياولدي كفتنا هي الراجحه .. كتله الْيِرد ياموطني لحضنك الدافي تسامحه ؟ قال اْليِرد وإلْلي ما يِردْ وحتى الْليِ يفكر بالوطن ذنوبه كلهن طايحه .. بس الْليِ يخون اُمّيِتهْ ما يستحق نقرا على روحه الفاتحه .. كتله يبه ياموطني عندي حجي بغزر الدموع المالحه .. قال احجي قول شما قلت طبع الوطن مثل الابو واجب عليك تصارحه .. كتله يبه ياموطني ليش انت من دون الدول صاحت عليك الصايحه ؟؟ وليش انت من دون الدول اطفالك الحلوين بالدم سابحه ؟؟ وليش انت من دون الدول بكل بيت عندك نايحه ؟؟ وليش انت من دون الدول ناسك إتْصبّح نازحه ؟؟ وليش انت من دون الدول جيرانه كلها تواقحه ؟؟ وليش انت من دون الدول يا ثور بالعالم قوي تركض عليه تناطحه ؟؟ متْكلي منهو الْخبلك يا بو العقول الراجحه !! .. شفته ضحك .. شفته ابتسم لمن حِجى و جاوب اجابه واضحه .. قال اعتقد يا ولدي .. المشكله مو بالوطن .. المشكله بصدام هو الذابحه .. يبقى الوطن هو الاصل والناس هي الرايحه .. كفكف دموعك ياولد ادري بغريب الدار شوقه الجارحه .. وادري بغريب الدار كل ما يِعتلي وكل ما صعد وشْما كسب خسران كل ما رابحه ..حتى الطيور إلها وطن تهاجر لجل لمن يهزها الشوق ترجع طافحه .. وحتى النخيل إلها وطن ما تنشتل إلا بأرضنا المالحه .. بس إحنا نبقى لشوكت يا موطني نحلم وطنا نصافحه ؟؟ .. وخلاف الوطن تبقى البشر مثل البهايم دايحه .. والبارحه شفت الوطن باللطيف أجاني البارحه ..
__________________
العتــاب خيـــر مـــن الحـــقد
|
#2
|
||||
|
||||
اقتباس:
|
#3
|
||||
|
||||
فعلاً الشاعر عباس جيجان له مشاعر مرهفة
وتشد الاعجاب كتير الف شكر الك استاذ فؤاد ولمرورك الكريم...
__________________
العتــاب خيـــر مـــن الحـــقد
|
#4
|
|||
|
|||
قصيدة فعلا جميلة أختنا الآشوريه عما عاناه ويعانيه شعبنا في كل شبر من أراضي العراق .. نتمنى من الرب أن تنتهي هذه الحروب وهذه المهزلات والكل يعود إلي مقره والعيش بسلام وأمان ..قلوبنا تتألم مع كل عراقي ... عجبتني هالقصيدة وأردتو أن أنقلها أيضا :
قتلتني الغربة وذبحني الفراق اتذكر بيتنا واتذكر ذاك الزقاق اللي كنت الهو واللعب فيه ويه الرفاق مليت تره البعاد صعب وللقلب حراق #مليت البعد عنك ياعراق# مشتاق للعراقيين ولسوالفهم الجميلة ولطبعهم العنودي وشهامتهم الجليلة مشتاق لحضن هلي وناسي ومشاعرهم الرقيقة ودفيء حضنج يا بغداد واخلاقج النبيلة # مليت البعد عنك يا عراق # حنيت لنهر دجلة وميه الصافي وانوار شارع ابو نؤاس وهواه الدافي حنيت لنهر الفرات وسمكه الوافي وتمنيت اشرب ميه وامشي على ضفافه حافي # مليت البعد عنك يا عراق# ولهان على البصرة وأم القرى والفاو اللي قاومت ودوخت العِدى ولهان على الانبار وأم الربيعين نينوى اللي تمنيت اسير فيها وانشد احلى الغنى # مليت البعد عنك يا عراق# تعبان وربي يشهد على حالي لا تخافوا يوم لو شفتوني والدمع على سهادي ولاتستغربوا لو فنيت له عمري ومالي هذا العراق حبيبي وارخص له كل غالي # مليت البعد عنك يا عراق # تقديري ومحبتي ألياس
__________________
www.kissastyle.de |
#5
|
|||
|
|||
قصيدة مؤثرة جدا الرب يكون بعون الشعب الأبي في العراق
شكرا لك ياغاليتي الآشورية ... |
#6
|
||||
|
||||
فعلاً العراقيين عانوا الكثير وما زالوا يعانون من الظلم
والقتل والتهجيرالمتعمد القصيدة يلي حضرتك نزلتها كمان مؤثرة وبتعبر عن مشاعر كاتبها الف الف شكراستاذ الياس لمرورك الكريم ولإضافتك للقصيدة الحلوة...
__________________
العتــاب خيـــر مـــن الحـــقد
|
#7
|
||||
|
||||
الشكر الكِ ياسمورة الغالية
ولمروركِ الحلو...
__________________
العتــاب خيـــر مـــن الحـــقد
|
مواقع النشر (المفضلة) |
أدوات الموضوع | |
انواع عرض الموضوع | |
|
|