|
Arabic keyboard |
|
#1
08-01-2009, 12:53 PM
|
|||
|
|||
أعظم من عروش العرب كلا
رسام ريشة لوحـــــتك سكين....بتاريخ رسم الموت مشهوره بتـــغطها بفرحة طفل مسكين....بتلون بدمــــــــعات مقهوره بـــروازها من أم مابـــــــتلين....وزهورها أطفـــــال مغدوره فيها الشتي صواريخ بكوانين....تحصد بشر للـموت مندوره كتّر من اللوحات والتـــــلوين....وإياك تنسى ترسم نســـورا جانح بيحمي الأهل بفلسطين....وجانح من عــيوك قلع نورا لاتحط عالصوره بريشة مين....ولاتذكر الأســـماء ع قبورا عرضها على حكام خرسانين....بتصير تحكي لوحدها الصوره ********************* باراك ياما جـــــدك استنـــــكر....هـــــتلر ومنو كان متــــأزي هتلر تقمــــــص فيك وتكـــرر....عندك بشـــرب الدم في لزي تذكر محارق شــــــــعبك تذكر....واياك تنسى حربك المخزي انكنك بتنسى شو عمل هـــتلر....مننسى ذبح أطـــفالنا بغزي ******************** ياطفل ع كتاف المـــــــــجد علا....نور الحــــــــــــياة بدمك تجلا نعشك على عرش السما محفور....أعظم من عروش العرب كلا
__________________
يعقوب فاضل الماهر
|
|
#2
08-01-2009, 02:26 PM
|
||||
|
||||
|
الحرب يا يعقوب ما بتلين ... منها مشاعر قلب مصخورة
و هادا عرفنا نغمته لسنين ... بحزنه عيون الدهر ممهورة موت و وجع مين يعين؟ ... صارت حقوق الكون مشطورة عرش العرب خزي و كذب يا عين ... و النفس و الأفكار مقهورة خلّي الحكي و اكشف خبايا مين ... عم يفجر الأحقاد معصورة؟ هادا الحكي شفناه من ستين ... و سنين تكشف من عربْ عَورة.
|
|
#3
08-01-2009, 11:17 PM
|
|||
|
|||
|
ياطفل ع كتاف المـــــــــجد علا....نور الحــــــــــــياة بدمك تجلا
نعشك على عرش السما محفور....أعظم من عروش العرب كلا
جميل ماخطته يداك أخ يعقوب وخاصة البيتين الأخيرين وفقك الرب وشكرا لهذا الشعر الجميل.
|
|
#4
09-01-2009, 12:11 AM
|
|||
|
|||
|
مرحبا
اتذكر قصيدة نزار قباني
عن اطفال غزة ... وكان نزار اسرع شاعر عربي برد فعله تجاه القضايا العربية والازمات والحروب عندما قال يا اطفال غزة هاتو من عندكم وعلمونا ما نسيناه هاتو حبالكم واشنقونا هاتو حجارتكم وارجمونا وكذلك قال ... مات العرب ... واين ندفنهم .. ومن سيبكي عليهم ...قال تلك ايام الحرب الستة هزيمة 1967
|
 |
| مواقع النشر (المفضلة) |
|
|
العرض العادي
