شوفوا أشقد المرأة تكتم السر هههه !!!

[الياس زاديكه]

شوفوا أشقد المرأة تكتم السر هههه !!!
قال كان في فلاح فقير بشكل كل يوم يروح يفلح أرضه بشان يطالع مصروف البيت يوم من الأيام وهوي عم يفلح الأرض حس في شي عم يمنعه بالأرض وقف وطلع شاف جرة قام حفر حولها وطالعها وفتح تمها أي شو يشوف كلها معباية دهب هادا من الفرحة طار وقبل مايجي على البيت عم بيقول لحالو أخاف أقول لزوجتي على الجرة وتطلع برا تفضحنا قال راح أجرب زوجتي إذا تقدر تحافظ على السر أم لاء .. صار وقت النوم هادا الرجال آخد معه بيضة وحطتها تحته وغطا حالو صار الصبح قال زوجتي تعي هون راح أخبركي بشغلة بس تبقى سر بيني وبينكي وبس .. قالت ولو يازوجي سرك مدفون ببير خير إنشاء شو بدك تقولي ؟؟ قال صدقي زوجتي صارلي فترة كل يوم أفيق من النوم وأشوف بضت بيضة وطلعي هاي البيضة إثباتا على كلامي .. الزوجة قالت شو معقول عم تحكي والله شغلة غريبة ؟؟ قال أي هادا هوي السر أحتفظي فيه .. قالت تكرم عيونك وكأني ماسمعت منك أي شيء .. المهم زلمتنا راح الصباح على أرضه بشان يفلحها أول ماطلع من البيت وعقاريق بطن زوجته صار تقرقر لازم تحكي لوحده شي هادا السر طلعت على السطوح ونادت جارتها وقالت تعي تعي يامقصوفة راح أخبركي خبرية شعر راسكي راح يقوم بس أرجوكي يبقى سر بيني وبينكي قالت تكرمي ياجارة .. قالتلها تعرفي أنا زوجي يبيض كل يوم بيضة وأنا شفتوه بعيوني بس لاتخبري حدا .. الجارة قالت مو معقول هالحكي ؟؟؟ بس لاتخافي راح أحفظ السر متل ماأنتي حفظتيه .. قالت بلي صدقيني .. ورجعت على البيت وجارتها فلفل دخل فيها لازم تفضي جواتها صاحت لجارتها التانية وقالت تعي تعي أسمعي هاي الخبرية زوج جارتنا يبيض باليوم بيضتين بس أرجوكي يبقى سر قالت تكرمي والجارة التالتة خبرت جارتها التانية وقالت زوج جارتنا الفلاني يبيض باليوم خمس بيضات وطلعت الإشاعة من جارة لجارة لحتى ماوصلت الجارة الأخيرة وقالت زوج جارتنا يبيض 100 بيضة باليوم ههههه الملك سمع بالقصة قال صيحولي هادا الزلمة لشوف شو هي قصته لحتى عم بيبض باليوم 100 بيضة .. أجا الزلمة لعند الملك سأله الملك معقول أنت تبيض باليوم 100 بيضة وأشلون ؟؟ أتطلع الزلمة بالملك وقال ياملك الزمان راح أحكيلك القصة من البداية للنهاية إذا أعطيتني الأمان وإلا أقطع راسي من الآن .. الملك قال هات أحكيلكي ألك الأمان .. الزلمية قال : ياملكي وأنا كنت أفلح أرضي شفت جرة معباية دهب وما وثقت في زوجتي أخبرها قمت دبرت حيلة البيضة وقلت أمتحنها إذا تقدر تحافظ على السر وأنت بأذنك سمعت أنا قلت لزوجتي أبيض بيضة والنسوان وصلوهم لميت بيضة والحكم عندك ياملكي !! الملك قال برافو عليك فعلا أنت حكيم ألف مبروك ألك الجرة أستعملها متل مابدك وهاي مكافأة من عندي كمان 1000 ليرة دهب !!!
بقى لازم نثق بالنسوان ونصارحهم كم بيضة واحدنا يبيض بشان نربح بكل بيضة 100 بيضة ونص كمان هههه
تقديري ومحبتي
الياس زاديكه