طارت الطيّارة شعر/ فؤاد زاديكى طارت الطيّارة ... حَطِّتْ بيت الجارة ما فِهمتْ الإشا

[fouadzadieke]

طارت الطيّارة


شعر/ فؤاد زاديكى


طارت الطيّارة ... حَطِّتْ بيت الجارة
ما فِهمتْ الإشارة ... هالجارة يا خسارة.


***
لَمّا عِرْفِتْ إنّي ... لَعيونَا عَم غَنّي
قالِتْ عيفِكْ مِنّي ... لا تِرمي السّنّارة.



***
كِتروا هالطِّلابي ... مِنْ أهلي و صحابي
يِستنّوا جَوابي ... و حياتكْ محتارة.



***
ماني هالمغرورة ... مَعْ إنّي أمّورة
شو شايف بالصّورة ... غير إنّي المِختارة؟



***
قِلْتِلها يا روحي ... و يا بلسم جروحي
رايحْ وينْ ما تروحي ... و الدّنيه دَوّارة.



***
جِيتو طالِبْ وِدّكْ ... عَم إستنّى رَدّكْ
لا تردّيني بصدّكْ ... و حياتِكْ يا جارة.