تعليقات جزراوية بلهجات مختلفة

[ابو سومر]

"حول مباراة الجزيرة والوحدة"
المعلق الرئيسي للمباراة ....فطحل زمانو....هو واللي حطو ...
والله هاذي لعبة الوحدة والجزيرة يازميل وجيه ....جانت زينة بحيل وميل وجان فوتنا كول عالوثبة لو ماقطع الطابة ماهر السيد تبع الجيش ....وأخ يازميل وجيه لو محمد السومة تبع الجزيرة نطحها براسو جان أجت كول على تشرين وجان ربحنا من أمية .....زميل وجيه أنا اعرف انو الجزيرة يلبس احمر ...والوحدة يلبس أبيض وبرتقالي ...بس هاذا اللي يلبس أسود شكون يعمل بينهم والله يازميل ماعرفتوه ...انا اعرف اهدعش لاعب من الجزيرة واهدعش لاعب من الشرطة
هذول الثلاثة اللي لابسين أسود منين أجو .....ما أعرف ....هه....هه...هه

المعلق الأرمني ...
شو هاد مباراة ....والله عزيم نادي الجزيرة كان كتير كويس أول "تلاتين دقائق" وبعد ماجابت الكول ...وقفت بنس الملعب وماهاجمت كتير منشان تجيب سبع كوال ...عالحال كلو ....مبروكة أنور ومبروكة مهروس وياجماهيريات تبع هسكة هارد ولكم ...والله سامحت الحكم ماعملت المباراة ميتين دقيقة منشان نشوف التحكيم تبعنا

المعلق الديري الحسكاوي

شكون صار ...لو الحكم اعطى 12 دقيقة اضافية منشان الوحدة يجيبون هدف الفوز مو حلوة يروحون عالشام بنقطة ....جان لازم يروحون بست نقاط مو ثلاثة ...يا أخي هذول من الشام ....بس الشهادة لله ...وحق القرآن فريق الجزيرة لعبوا والله يعطيهم العافية وبعدين نادي الجزيرة مدعوم من اليابان وكندا ومن اليونان ....بس اريد اعرف ايمتى يتعاقبون الحكام

المعلق المردللي ....الحسكاوي ...القح ....

ياهو ....ياهو ....الولد اللي تيعيش من ؟؟؟؟؟يبين ....لعيبتنا كويسين بس ياهو ...ايش كان يصير لو ربحنا ....واللا الحكم كان خايف على حالوا انو يشيلو الشوام من التحكيم
بصراحة ....نحنا ما إلنا ظهر يحمينا ...وبدنا نطالب بحكام من الهند لايفهموا علينا ولا يفهموا عليهم
وكل دوري ...واحنا بخير

وياريت يكون عدنا تسعة معلقين مثل خليل وجيه اقطيني شويكي ورحمك الله ياعدنان بوظو

[fouadzadieke]

سلام محبة لك يا ابو سومر الكبير. هذا التنويع الجميل في مشاركاتك و هذه الروح المرحة الرائعة التي تتحلى بها هي صفة من صفات الإنسان الجميل الروح. أشكرك يا غالي على هذه التعليقات المنوعة و الظريفة.