طَوِّلْ بالِكْ شعر عامّي/ فؤاد زاديكى

[fouadzadieke]

طَوِّلْ بالِكْ

شعر عامّي/ فؤاد زاديكى

طَوِّلْ بالِكْ مو تِحْتارْ ... گَبِّرْ عَقْلِكْ مو تِنْهَارْ

كِلْ مِشْكِلْ مُمْكِنْ يِنْحَلّْ ... لَو تِتْصَرَّفْ مِتلْ گبارْ

لَمّا قِدّامْ المِشْكِلْ ... نِبْكِي مِتلْ وُلادْ زغَارْ

نِتْلَبَّكْ مِنْ كِلّ لِطْرَافْ ... ما بَقْ نِعْرِفْ أشْ كُو صَارْ

لا تِيأسْ أللهْ مَوجُودْ ... خَلِّي إيمانِكْ جِبَّارْ

لا تِهْلِكْ روحِكْ فِالغَمّْ ... مِنْتَا وَحْدِكْ فِالمِشْوارْ

مِتْلِكْ فِي نِاسْ و نيساتْ ... لو عَدَّيْتِنْ هِنِّهْ كْتَارْ

عاشُوا مِتْلِكْ نَفسْ الغَمّْ ... بَسْ نِجْحُوا. كانُوا شِطَّارْ.

طَوِّلْ بالِكْ مو تِخْصَرْ ... گَبِّرْ عَقْلِكْ مو تِحْتَارْ.