Forum of Fouad Zadieke   Arabic keyboard

العودة   Forum of Fouad Zadieke > المنتدى الثقافي > أخبار الفن و أغاني > أغاني

الملاحظات

 
 
أدوات الموضوع انواع عرض الموضوع
  #1  
قديم 29-11-2008, 04:56 AM
فواز احميد فواز احميد غير متواجد حالياً
Junior Member
 
تاريخ التسجيل: Jul 2008
المشاركات: 5
افتراضي كلمات اغاني سعدون جابر

أرد أجيكم
شعر زهير الدجيلي ـ
غناء الفنان سعدون جابر ـ
ألحان الموسيقار محسن فرحان


أرد أجيكم ..
بلكت ألقى الشوق ذاك اللي عرفته ؟!
أرد أجيكم ..
بلكت ألقى الوفا ذاك اللي زرعته ؟!
أرد أجيكم ..
يمكن ألقاكم بعدكم
ماتضيعون الهوا والوفا والحب
أرد أجيكم

عازت أيامي فرح وتريدكم
وهاكثر قلبي يلح ويريدكم
أعتب عليه وياما أقول الليل عده
وما أظن تلقاهم بذيج الموّدة
يكًًلي روح ..
لورحت ياقلبي هم تنفع الروحة ؟
يكًًلي روح
الطير من يبعد يزيد الهجر نوحه
أرد أجيكم

بعده فوق الخد يلالي القمر لولا ؟
بعده مبسم ورد ثغر السمرة لو لا ؟
بعده ملكاكم نهار يزيل هم الليل عني
بعده لو لا؟

مرتين الشوق خلاني أمر ملهوف ملهوف
ومرتين الدار خلتني أحس بالغربة والخوف
ردت اشوف أشصار واللي جرا عدكم ؟
ويمكن ألكاكم بعدك على ودكم ؟

شفت عشر أوجوه غربة
وهاكثر عيني تمنت كون ماشوف

وسفة يرخص حبي عدكم
وسفة يذبل وردي عدكم
وسفة تتبدل الدنيا
تصير ونسة ولعب عدكم !
وهاكثر عيني تمنت كون ماشوف


* * *

ياطيور الطايرة ...
شعر: زهير الدجيلي
الألحان: كوكب حمزة
غناء: سعدون جابر


ياطيور الطايرة مرّي أبهلي ..
وياشمسنا الدايرة شوفي هلي ..


سلمّيلي وغنيّ بحجاياتنا ..
سلمّيلي وضويّ لولاياتنا ..
وروحي شوفي لي بساتين الوطن
هم طلع طليّعها أبنخلاتنا ؟
سلمّيلي ياطيور الطايرة
سلمّيلي ياشمسنا الدايرة
** **

آه لو شوقي جزا وتاه أوي نجمة !!
ياطيور الطايرة ..
آه لو صيف العمر ماينطي نسمة !!
ياشمسنا الدايرة
كان صار العمر صحرا
والوطن ضيّعنا رسمه
وكان ماشفناله صورة
وماعرفنا وين أسمه
لكن أنحّبه رغم كل المصايب
ياطيور الطايرة
والهوى أدواغ الحبايب
ياشمسنا الدايرة
أعذيبي يغفه أوي الكصايب .. سلميلي
سلمّيلي ياطيور الطايرة ..
سلمّيلي ياشمسنا الدايرة ..
** **
سلمّيلي , الشوق يخضر بالسلام وبالمحبة
ياطيور الطايرة
سلمّيلي الشوق طير .. أوياج رايح عرف دربه
ياطيور الطايرة
والسما أمصحية وصحيت أنا قمر
وقلب الأحبيبة مثل شاطي ونهر ..
مريّ يمّه .. ياطيور الطايرة
وأذا مامرّيتي يمّه
تضيع روحي
والقلب جاوين أضمّه ؟.. ياطيور الطايرة
وياهوى أيلمني وألمّه ؟.. ياشمسنا الدايرة
سلمّيلي ياطيور الطايرة
** **
موبعيدين , اليحب يندّل دربهم .. موبعيدين ..
موبعيدين , القمر حط أبقربهم .. موبعيدين ..
لونهم لون الربيع اليضحك ابوجه السنابل
ياطيور الطايرة
وشوقهم شوق الحصاد اليزهي بشفاف المناجل
ياشمسنا الدايرة
سلمّيلي لو وصلتي أديارهم
سلمّيلي وشوفي شنهي أخبارهم

سلمّيلي ياطيور الطايرة ..
سلمّيلي ياشمسنا الدايرة ..

* * *



صار العمر محطات ..
شعر :زهير الدجيلي ـ

ـ ألحان :الموسيقار كوكب حمزة
غناء :الفنان سعدون جابر


يمتى تسافر ياقمر وأوصّيك ؟

والوادم البيها الأمل تدليّك ؟



قالولي نيتك صافية

وأولايتك متصافية

قبلك ردت لي أمسافر اليندّل هلي ..

وقبلك ردت لي أمسافر لديرة هلي ..

أشكد دورّت . . ماحصّلت ..
وصار العمر محطات
عّديتهن وماكو عرف
وكل العمر محطات ..
وخفت أسأل بلايه عرف !
ويافشلة الملهوف ويدوّر هله أبمحطات !!
** **











وصفوك ألي النواطير ..

قالولي نيتك صافية .. مثل العشق والأزهار

وصفوك ألي النواطير ..

قالولي روحك غافية ..بين الوفا والأسرار

وقالولي .. قالولي ..
قالولي كل الليل يلتم مايطفيّك
قالولي كلكّ حيل والهّم مايمضّ بيك
وعيونك اللّي تحرس الكاع
تشبه أعيون الناس والحب والعصافير
تالي العمر محطات ؟!
عديتهن ماكو عرف ..
وصار العمر محطات
وخفت أسأل أبلاية عرف !
يافشلة الملهوف ويدوّر هله أبمحطات ..
ياعيني ياديرة هلي .. ياروحي ياجنة هلي
** ** **












حسبــــــــــــالي

شعر :زهيــــر الدجيلي ـ
الألحآن:طالب القرغولي
غنــاء:الفنان سعدون جابـــــــــر


حسبالي عدينه الوفا والعمر وتوافينا
حسبالي من شفت الفرح بعيونك تراضينا
ثاري أعلى ساعة ترجع أتبايعني
وكل يوم بدروب الزعل تاخذني وترجعني
حسبالي عدينه الوفا والعمر وتوافينا

أمحيرني ساعات الصبح شوجنك أتودعني
وساعات بغياب الشمس ملهوف وأمضيعني
حسبالي عدينه الوفا والعمر وتوافينا

أمحيرني يالبايعني , وأنا اشتريتك غالي
أبنسمة هوا أتزّف الجدايل شكرة
أأبسمة فجر كانت أبشفة سمرة
ومن فتحّت كًتلك عزيز وغالي

وقدّح المشمش .. وأنت من قداّحه
وتفح أبخدك .. ووجنتك تفاحة
وأنت وأنت أمحيرني
أمحيرني ساعات الصبح شوجنك أتودعني
وساعات بغياب الشمس , ملهوف ومضيّعني

ياما نسينا أعتابنا بساعات الأعتاب
خاف الوكت فد يوم مايحسبنا أحباب
ميمر يبو خد وخد
بنظراتنا راح ورد
عدينا أيام الجفا بلوعاتنا وضاع العد
وعدينا ايام الوصل ثاري الوصل مابيه حد

أمفضّض يشطبة ريحان
أدري بهوانا حليان
ذب الكصايب عل متن
طاحت نسايم نيسان
بوس الحواجب ياكحل
بوسة عشق للغيران

عيني يبو خد وخد
شوكك ابقلبي ورد
ياعيني العشكً لولاح
يضحكله القلب لولاح
وأنت وأنت أمحيرني
وأنت وأنت أمرمرني

أمحيرني ساعات الصبح شوجنك أتودعني
وساعات بغياب الشمس ملهوف وأمضيعني
حسبالي عدينه الوفا والعمر وتوافينا


* * *

خايف آخر كلمة وياك تصير وداع
شعر :زهير الدجيلي
غناء: سعدون جابر


خايف آخر كلمة وياك


هي أفراق وهي أوداع

تبحر مهموم بدنياك

لنته بموجة ولنته بكاع







خايف دهرك بيك أيحير

أيحير أيحير

ومحد يدري وين تصير
وتبعد غربة وأهلك غربة
وموجك عالي وماكو اشراع
خايف آخر كلمة أوياك
هي أفراق وهي أوداع







ضمني بشفافك بسمة

وخلي أعيوني اتدورلك

بلكي تلكالك نجمة
تلاليلك وتنورلك







لاترحل يحبيب لالا

لاترحل

غدارة الدنيا وخافنك ماتندل
وخاف أتضيع وأنا أحتار
وألمن أسأل ؟
وتغدي الغربة
كلش صعبة
وموجك عالي وماكو أشراع
وآخر كلمة أوياك أتصير
هي أفراك وهي أوداع





البارحة

شعر زهير الدجيلي
ـ غناء الفنان سعدون جابر ـ
الحان الموسيقار طالب القره غولي





البارحة .. هاجت أشواق العمر كلها , البارحة ..

وحنيّت ألك بأكبر همومي , البارحة ..





حنيّت ألك حّنةّّّ غريب ويذكر أحبابه بعد غيبة وسفر ..

شايف حنين العمر لأيام الصبا , يتمنى يرجع ساعة لأيام الصغر ؟
شايف حنين الصيف لأيامه أذا جاه الشتا
هاكثر يلتم حزن مابين الشجر ؟
شايف حنين الأرض في قيظ الزمن
تنفطر ملهوفة على قطرة مطر ؟
شايف حنين الطير من يعود في وقت الغروب لعشّه
ومايلقى وليفه , والشمس غابت , ولاعنده خبر ؟
حنيّت ألك ..
وردتك تعاشرني أبدال أنجوم كانت سارحة ..
نجمة تسامرني غصب ونجمة تكليّ رايحة ..
البارحة ..
** ** **
البارحة , وصيّت ألك ..
وياما البحر ضيّع وصايا السفن والسّفانة ..
وصيّـت ألك ..
وياما الدهر غرّق أشواق العاشق بأحزانه ..
وصيّت ألك ..
وياما الوطن ضيّع عناوين الأحبة ويّ عنوانه
وصيّت الك ..
وصيّت ألك حتى العصافير الزغار الفرحّت دنيانه
طارت أبشوقي أمغبشه ماخذها الهوى فرحانة
ولمّا ذبل ورد الصبر ,
رجعت لي مهمومة يعيني وهاكثر حزنانة !!
وطاحت هموم الليل فوق أجفوني
وي مجرى الدموع الجارحة .
والمشكلة , نجمة تسامرني غصب ونجمة تكليّ رايحة ..!
** ** **
البارحة ..
غنيّت ألك كل الأغاني الليّ تحبها , البارحة
وردتك تجي ..
وكنت أحسب العشاق يلتمّون عندي البارحة
وبلكت تجي ..!
ولميّت ألك كل الأشعار العندي حتى أحكيلك
أحلى الكلام الليّ يبوس أعيونك ويضوي لك
وردتك تجي لابس قوافي الذهب كلها الليّ صغتها أبحبك
.. و حتى أشكيلك ..
أشكيلك من الدهر عّذبني بغيابك , ويزعل من أغنيلك
أشكيلك من الغدر .. من كثر ألأنذال السرقوا أشعاري ومواويلك
أشكيلك من الدنيا ماترضالي أزرع لك ورد بالوطن وأزهي لك
ردتك تجي ..
لكن الظلمة خيّمت , وأسمع أنين العاشقين ابقلب هذا الليل
كلمن فاقد أحبابه غصب , وكل يوم يسمع نايحة
البارحة ..
** ** **
البارحة , صوتك أسمعه يعتبّ من أبعيد , أسمعه ..
منين ؟ أصيح أمنين ؟
ياصوت النخل بالريح يبكي ودمعي دمعه !ّ!
منين ؟ أصيح أمنين ؟
ياصوت الوطن مذبوح , وماكو أحدّ يسمعه ..
منين ؟ أصيح أمنين ؟
يحبيّب , شقيق الروح , ياحلم المحبة , الغرق في دمعه
ياصوت العراق أبكل سجن مسجون ؟ وياقمرة تطلعه ؟؟
منين ؟أصيح أمنين ؟
كأن الدنيا تبعد وأبعد أوياها وأسمعه
البارحة ..
والمشكلة , نجمة تسامرني غصب , ونجمة تكليّ رايحة .
البارحة ..
** ** **














لوتدرون
شعرزهير الدجيلي ـ غناء الفنان سعدون جابرـ ألحان الموسيقار محسن فرحان


لوتدرون , الحب لوعاش بين أثنين
لوتدرون !
كل الدنيا الحلوة أتورّد
لوعاش الحب بين أثنين
لوتدرون ..

هو الحب يفتّح ورده لوما العشاق الحلوين ؟
هو الحب أيعرف الكًاع لوما أحبابه الفلاحين ؟
مرات يخلينا بآه .. آه ..
وسهرانه سوالفنا أبليل
ومرات ينسينا الآه !
وننسى أفراكه وننسى الويل
ومرات أنشوفه ابمكتوب
يعاتبنا وهاكثر أعتاب
ولو مرة أيغيب المحبوب
تصير الدنيا أبلايه أحباب

يراوينا أفراق ايراوينا
يراوينا اشواق ايراوينا
ولوشاف الأه أتمض بينا
هاساعة أبفرحة ينسينا

الحب يامحلا ساعاته
والحب يامحلا أحجاياته
يامحلا النسمات الحلوة
بليل العشاق وآهاته
ويامحلا الضحكات الترسم
وجه المحبوب بضحكاته

ياعيني أشكد يمر بينا
وياعيني أشكد يراوينا
ولو شاف الأه أتمض بينا
هاساعة أبفرحة ينسينا

لوتدرون الحب لوعاش ابين اثنين
كل الدنيا الحلوة اتورد
لو عاش الحب بين اثنين

زهير الدجيلي 1973



هلج وين ينجوى
شعر زهير الدجيلي
ألحان الموسيقار محسن فرحان
غناء الفنان سعدون جابر



آه ينجوى ..
هلج وين ينجوى ؟!

جزا الشوق وجزاني
والهوى أبعيد ينجوى
وصحت آه وشجاني
وباجر العيد ينجوى
هلج وين ينجوى ؟

أثاريها المحبة والعشك لوم ينجوى
وأياعيني المحبة شتحمل أهموم ينجوى
هلج وين ينجوى

أدري اليدليني الهلال أبو ليله
وكل يوم يكثر شوقي وكل ليلة
ونجوانا قمرة وتضوي بليالي اليحبون
وصرت أنا نجمة تضوي بدروب اليحبون
هلج وين ينجوى

حرامات حرامات
حرامات العمر من ينقضي بساع ينجوى
يضيع الهوا وساعات الأوداع حرامات
وياعيني لوطاح الندا
ياورد يحلا أبلونه
ألأ ّ اليورّد بالندا
وأل المجبة أبلونه
وبرد الحدايق عافية ينجوى
هلج وين ينجوى ؟






التعديل الأخير تم بواسطة فواز احميد ; 02-12-2008 الساعة 02:26 AM
رد مع اقتباس
 

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 07:14 AM.


Powered by vBulletin Version 3.8.6
Copyright ©2000 - 2024, Jelsoft Enterprises Ltd
Translation by Support-ar
Copyright by Fouad Zadieke